بە درۆنێك ئۆتۆمبێلێك لە خەلەكانی سەربە قەزای دوكان كرایە ئامانج و تێیدا سێ هاووڵاتی دانیشتووی قەزای حاجیاوا گیانیان لە دەست دا.
پاش نیوەڕۆی ئەمڕۆ چوارشەممە 4ی 9ی 2024، لە خەلەكانی سەر بە قەزای دوكان لە سنووری پارێزگای سلێمانی بە هێرشی درۆنی ئۆتۆمبێلێك كرایە ئامانج و تێیدا سێ كەس گیانیان لە دەست دا، كە باوكێك و دوو كوڕ بوون.
لەسەر ئەو هێرشە، جگە لە قایمقامی دوكان، كە ڕایگەیاند، ئەو هێرشە بە درۆن بووە و سێ كەس گیانیان لە دەست داوە، تا ئێستا هێزە ئەمنییەكانی سنووری پارێزگای سلێمانی هیچان لەبارەیەوە ڕانەگەیاندووە.
بەپێی زانیارییەكانی (باسنیوز) باوكێك و دوو كوڕ بەناوەكانی موزەفەر حوسێن و محەممەد موزەفەر و موبین موزەفەر لەو بۆردومانە گیانیان لە دەست داوە، دانیشتووی قەزای حاجیاوای سەر بە ئیدارەی ڕاپەڕینن.
1
2
3
4
5
6
7
8
