وه‌زاره‌تی به‌رگریی ئه‌مریكا ئاشكرای ده‌كات كه له 17ی ئۆكتۆبه‌ری ڕابردووه‌وه 58 جار هێرش كراوه‌ته سه‌ر بنكه‌كانیان له عێراق و سووریا.
سابرینا سینگ، جێگری گوته‌بێژی پنتاگۆن له پرێس كۆنفڕانسێكدا ڕایگه‌یاند، له 17ی ئۆكتۆبه‌ری 2023وه، 58 جار هێرش كراوه‌ته سه‌ر بنكه‌كانیان، به شێوه‌یه‌ك له عێراق 27 هێرش و له سووریاش 30 بۆ 31 هێرش.
ئاشكرای كرد كه هێرشه‌كان زیانی گه‌وره‌ی نه‌بووه و برینداری سه‌ختیشی لێ نه‌كه‌وتووه‌ته‌وه ته‌نیا هه‌ند كه‌سێك بریندار بوون و دواتریش گه‌ڕانه‌وه سه‌ر ئه‌ركه‌كانیان و هه‌موو هێرشه‌كانیش شكست خواردوو بوونه.
له‌گه‌ڵ به‌رپابوونی شه‌ڕ له غه‌ززه، له عێراق و سووریا هێرش ده‌كرێته سه‌ر بنكه‌كانی ئه‌مریكا و گرووپه چه‌كداره میلیشیاكانیش به‌رپرسیارێتی ئه‌و هێرشانه له ئه‌ستۆ ده‌گرن و له‌به‌رامبه‌ریشدا، چه‌ند جارێك له سووریا هێزه‌كانی ئه‌مریكا هێرشیان كردووه‌ته سه‌ر گرووپه چه‌كداره میلیشیاكان.
1
2
3
4
5
6
7
8
