كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

شەپۆلێکی گەرمای بەهێز بەڕێوەیە

 

شارەزایەکی بواری کەشناسی ئاشکرایکرد کە شەپۆلێکی دیکەی گەرمای بەهێز ناوچەکانی هەرێمی کوردستان دەگرێتەوە.

ئەمڕۆ دووشەممە 8/8/2022، ئاراس جەبار، شارەزای بواری کەشناسی بڵاویکردەوە: "سبەی سێشەمە 9-8-2022 ئاسمانی ھەرێمی کوردستان ساماڵ دەبێت لەگەڵ بوونی تۆز و خۆڵێکی کەم لە ئاسمانی ناوچەکانی سنوری پارێزگای کەرکووک و گەرمیان ، پلەکانی گەرما زیاتر ھاوشێوەی ئەمڕۆ بە جێگیری دەمێنێتەوە و لەشەودا نزمتر دەبێتەوە و بەم شێوەیە دەبێت لەسەنتەری پارێزگاکان (ھەولێر 42 بە 28 پلە، سلێمانی 41 بە 26، دھۆک 41 بە 26 پلە، ھەڵەبجە 43 بە 27 پلە، کەرکووک 43 بە 30 پلە) لەناوچەکانی گەرمیان 47 پلە بە 31 پلە دەبێت، لە سنووری ئیدارەی راپەرین 42 بە 26 پلە دەبێت، لە سنووری ئیدارەی سۆران 41 بە 25 پلە دەبێت".

ئەوەشی خستووەتە روو: "خێرایی با لە کاتەکانی دوای نیوەرۆ بۆ ئێوارە مامناوەند و چالاک دەبێت بەخێرایی 10 تا 25 کیلۆمەتر لە کاتژمێرێکدا لە ئاراستەی باکووری رۆژئاواوە".

ئاماژەشی بەوەداوە کە شەپۆلەکانی گەرما بەردەوامی دەبێت و لە رۆژی ھەینییەوە 12/8/2022، بەدواوە جارێکی دیکە شەپۆلێکی بەتینی گەرما ناوچەکانمان دەگرێتەوە.