شاسوار عەبدولواحید بە ئۆنڵاین بەشداریی لەو خۆپیشاندانە کرد کە بانگەشەی بۆ دەکرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

شاسوار عەبدولواحید بە ئۆنڵاین بەشداریی لەو خۆپیشاندانە کرد کە بانگەشەی بۆ دەکرد

 

ئەگەرچی چەند رۆژێک بوو بانگەشەی بۆ خۆپێشاندانی سەرتاسەری دەکرد لە هەرێمی کوردستان، بەڵام شاسوار عەبدولواحید لە ماڵەکەی خۆی نەهاتە دەر و بە ئۆنڵاین و بە موبایل بەشداریی کرد.

بەپێی ئەو بەڵگەیەی کە دەست(باسنیوز) کەوتووە، دەردەکەوێت کە ئەمڕۆ شاسوار تەنیا بە ئۆنڵاین بەشداریی لەو خۆپێشاندانە کردووە کە خۆی بانگەشەی بۆ دەکرد و لە ماڵەکەی خۆی دەرنەچووە و لە موبایلەکەیەوە سەیری دیمەنەکانی کردووە.

دوای بانگەشەکەی شاسوار، چەند ڕۆژێکە زۆرترین رەخنە ئاراستەی دەکرێ و چالاکوانان وخەڵک بەگشتی بە کەسێکی قۆڵبر و ساختەچی ناوی دەهێنن، تەها سلێمان، نووسەرێکی گەرمیانیەو لە پێگەی خۆی لە تۆڕی كۆمەڵایەتیی (فەیسبووك) بڵاوی كردۆتەوە: ”ئەوەی گوێی لە پەیامەکەی سەرۆکی نەوەی نوێ بووبێ، سەبارەت بە خۆپیشاندان و بەتایبەت بۆ خەڵکی هەولێر، تێدەگات ئەم پیاوە حەرفێک لە سیاسەت و فیکری سیاسی و چەمکی حزب و ستراتیژ و ئامانج و تاکتیکی حزب، جا لە دەسەڵات یان ئۆپۆزسیۆن بێ، نەگەیشتووە“.

جەختیشی كردۆتەوە، شاسوار عەبدولواحید ”حەزی لە دەسەڵات و خۆنواندنە، بەڵام نازانێ چۆن پێی بگات و ناشیگاتێ، تەنیا حەزی لێیە، زۆرجاریش حەز چەپەڵە و جڵەوی نەكەیت، سەرت دەخوا یان بەلایەنی كەمەوە دەتكاتە مەسخەرەی ڕۆژی شەقام و بان و ناو چین و توێژەكانی كۆمەڵگە“.

لای خۆیەوە خەسرۆ هه‌ركى، پارێزه‌رى ڕاوێژكار، به‌ (باسنیوز)ى ڕاگه‌یاند: ”ئه‌وه‌ى شاسوار ده‌یكات وڕێنه‌یه‌كه‌ و هیچى تر نییه‌ و ده‌یه‌وێت خۆى ‌ده‌ربخات، نه ‌خه‌ڵكی كوردستان به‌ گشتی و نه‌ گه‌نج و لاوانی كوردستان هێنده‌ ساویلكه‌ن تا شاسوار بتوانێت به‌ كه‌یفی خۆی یاری به‌ عه‌قڵیان بكات، نه‌ كوردستانیش خاڵییه‌ له‌ خه‌ڵكی به‌ئه‌زموون و خاوه‌ن پاشخانی سیاسی، تا ئه‌گه‌ر كه‌سێكی وه‌كوو شاسواری قه‌رزار و ده‌ركه‌وتوو له‌سه‌ر گیرفانی خه‌ڵك و حكوومه‌ت رابه‌رایه‌تیی خه‌ڵك بكات و داوای چاكسازی بكات.“

ئه‌و پارێزه‌ره‌ ڕاشیگه‌یاند: ”شاسوار خۆى له‌ یاسا ڕایكردووه‌ و لایداوه،‌ پاره‌ و موڵكى گشتیى خواردووه‌ و تا ئێستا قه‌رزه‌كانى خه‌ڵك و حكوومه‌تى نه‌داوه‌ته‌وه‌، به‌ چ روویەك دێت داواى خۆپیشاندان ده‌كات؟ با ئه‌و جارێ یاسا له‌سه‌ر خۆى جێبه‌جێ بكات، جا داواى دادپەروه‌رى و یه‌كسانى بكات.“

ئەوەی جێگەی ئاماژەیە ئەمڕۆ دوای چەند خولەکێک لە دەستپێکردنی خۆپێشاندان لە شاری سلێمانی، خۆپێشاندان کۆتایی هات، هاوکات لە شاری هەولێر و لەبەردەم قەڵات لە دژی بانگەشەکەی شاسوار، ژمارەیەک هاووڵاتی دەستیان کرد بە شایی و هەڵپەرکێ .