”ئەوەی گوێی لە پەیامەكەی بووبێ، تێدەگات شاسوار حەرفێك لە سیاسەت نەگەیشتووە“
نووسەرێكی گەرمیانی نزیك لە یەكێتیی نیشتمانیی كوردستان رای دەگەیەنێت، پەیامەكەی شاسوار عەبدولواحید لەبارەی خۆپیشاندان، سەلماندوویەتی كە ”ئەو پیاوە حەرفێك لە سیاسەت و فیكری سیاسی نەگەیشتووە“.
تەها سلێمان، لە پێگەی خۆی لە تۆڕی كۆمەڵایەتیی (فەیسبووك) بڵاوی كردۆتەوە: ”ئەوەی گوێی لە پەیامەکەی سەرۆکی نەوەی نوێ بووبێ، سەبارەت بە خۆپیشاندان و بەتایبەت بۆ خەڵکی هەولێر، تێدەگات ئەم پیاوە حەرفێک لە سیاسەت و فیکری سیاسی و چەمکی حزب و ستراتیژ و ئامانج و تاکتیکی حزب، جا لە دەسەڵات یان ئۆپۆزسیۆن بێ، نەگەیشتووە“.
هاوكات بە مایەی ”بەدبەختی“ زانیوە كە خەڵكانێك بە دوای كەسانێكی وەك شاسوار عەبدولواحید دەكەون و ”لە كۆتاییشدا دڵخۆرد دەبن“.
جەختیشی كردۆتەوە، شاسوار عەبدولواحید ”حەزی لە دەسەڵات و خۆنواندنە، بەڵام نازانێ چۆن پێی بگات و ناشیگاتێ، تەنیا حەزی لێیە، زۆرجاریش حەز چەپەڵە و جڵەوی نەكەیت، سەرت دەخوا یان بەلایەنی كەمەوە دەتكاتە مەسخەرەی ڕۆژی شەقام و بان و ناو چین و توێژەكانی كۆمەڵگە“.
1
2
3
4
5
6
7
8
