عێراق.. بەرپرسێک بە نووسراوی ساختە زەویی حكوومی دەدات بە هاوسەرەكەی
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

عێراق.. بەرپرسێک بە نووسراوی ساختە زەویی حكوومی دەدات بە هاوسەرەكەی

دەستەی دەستپاکیی عێراق ئاشکرای کرد، بەرپرسێكی شارەوانی بە نووسراوی ساختە پارچەزەوییەكی بۆ هاوسەرەكەی تەرخان كردووە و بەبێ تۆماركردن و دواتریش موڵكەكەی فرۆشتووە.

لە بەیاننامەیەكدا دەستەی دەستپاکیی عێراق، ئەمڕۆ پێنجشەممە 4/8/2022 ڕایگەیاند: "لەلایەن تیمی فەرمانگەی لێكۆڵینەوەی دیالە لە بەڕێوەبەرایەتیی شارەوانیی وجیهیە ئۆپەراسیۆنێك ئەنجام درا كە تێیدا دەركەوت بەرپرسی بەشی موڵك لە شارەوانییەكە پارچەزەوییەكی بۆ هاوسەرەكەی تەرخان كردبوو بەبێ تۆماركردن، ئەویش لەسەر بنەمای نووسراوێكی ساختە''.

ئاماژە بەوەش كراوە: "ئەو بەرپرسە دواتر ئەو موڵكەكەی فرۆشتووە و قەرزێكی لە بانكی نیشتەجێبوون وەرگرتووە كە بووەتە هۆی بەفیڕۆدانی پارەی گشتی''.

دەستەی دەستپاكیی فیدراڵی ئاشكرایشی كردووە: ''هەر لە دیالە دوو ئۆپەراسیۆنی جیاوازیان ئەنجام داوە بۆ چاودێریكردن و دەستبەسەرداگرتنی 252 تۆماری خەمڵاندنی پارچەزەوی و دەركەوتووە هەندێك لە زەوییەكان بە نرخێكی كەمتر لە نرخی باوە بازاڕ فرۆشراون و كاری نایاساییان تێدا كراوە''.

جەختیشی كردووەتەوە: "تیمەكە ئۆپەراسیۆنێكی دیكەیان كرد بۆ كۆنترۆڵكردنی تۆماری داخستنی موڵكی بەڕێوەبەرایەتیی شارەوانیی باقووبە، دوای ئەوەی بەڕێوەبەرایەتییەكە بەئەنقەست گرێبەستی بەكرێدانی دەریاچەیەكی ماسیی لەسەر پارچەزەوییەك پەك خست بە مەبەستی ئەوەی بیگۆڕن بۆ زەویی نیشتەجێبوون و وەك دەرفەتێكی وەبەرهێنان بۆ كەسوكاری بەرپرسێك پێی بدەن".