وەزارەتی كارەبای عێراق، هۆشداری لە خراپی كارەبا دەدات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

وەزارەتی كارەبای عێراق، هۆشداری لە خراپی كارەبا دەدات

 

وەزارەتی كارەبای عێراق، هۆشداری بە هاووڵاتییان دەدات كە بەهۆی بەرزبوونەوەی پلەكانی گەرماوە ناتوانن وەكوو پێویست كارەبا بدەن.

وەزارەتی كارەبای عێراق، ئەمڕۆ سێشەممە، پەیامێكی ئاراستەی هاووڵاتییان كرد لەبارەی شەپۆلی گەرمای داهاتووو، لە راگەیاندراوەكە هاتووە: "بەپێی راپۆرتی كەشناسی نێودەوڵەتی، ناوچەكانی باشوور و ناوەڕاستی عێراق خشتەی نێودەوڵەتییە بۆ بەرزترین پلەكانی گەرما تۆماركراوە لە جیهاندا".

زیاتر هاتووە: "سەرەتای بەرزبوونەوەی گەرمی وردە وردە بۆ دە ڕۆژی گەرمی داهاتوو، بە پلەكانی لە پەنجا پلەی سەدی زیاترە، ئەوەش وا دەكات خواستی زیاتر لەسەر كارەبا دەبێت".

وەزارەتی كارەبای عێراق هۆشداری بە هاووڵاتییان داوە و دەڵێت: "وەزارەتی كارەبا داوا لە هاووڵاتیان دەكات بەرزبوونەوەی پلەكانی گەرما كە بێ وێنەیە لەبەرچاو بگرن، بەكارهێنانی وزە بە عەقڵانی بكەن، گڵۆپەكان و ئامێرە كارەباییە ناپێویستەكان بكوژێننەوە".

وەزارەتەكە دووپاتی كردەوەتەوە: "فشاریان لەسەر كارەبا كەم بكەنەوە لە پێناو پاراستنی سەقامگیری سیستمەكە و بە شێوەیەك كە باری كارەبا كەم بكرێتەوە و سیستەم دەتوانێت لەگەڵ خواستدا هاوسەنگ بێت و كاریگەری نەرێنی لەسەر كاتژمێرەكانی پرۆسێسكردن نەبێت".

بەگوتەی بەرپرسانی وەزارەتی کارەبای عێراق، ئێستا 20 ھەزار میگاوات کارەبا بەرھەم دەھێندرێت لە کاتێکدا بۆ پڕکردنەوەی پێدوایستییەکان، عێراق پێویستی بە 30 ھەزار میگاوات کارەبا ھەیە.