رەوتی سەدر سێ مەرج بۆ قەبووڵكردنی داواكارییەكەی هادی عامری دادەنێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

رەوتی سەدر سێ مەرج بۆ قەبووڵكردنی داواكارییەكەی هادی عامری دادەنێت

 

ساڵح محەمەد ئەلعێراقی، وەزیرەكەی سەدر سێ مەرجی بۆ قەبووڵكردنی داواكارییەكەی هادی عامری، سەرۆكی هاوپەیمانیی فەتح خستە ڕوو، هاوكات نووری مالیكیشی بە (سپایكەر مان) وەسف كرد.

وەزیرەكەی سەدر لە پێگەی خۆی لە تۆڕی كۆمەڵایەتیی (فەیسبووك) بڵاوی كردەوە، “داواكەی برامان هادی عامری بۆ گفتوگۆ لە نێوان چوارچێوەی هەماهەنگی (كە خۆی سەر بە چوارچێوەیە) لەگەڵ ڕەوتی سەدر دووبارە بۆتەوە. من دەڵێم، ئەگەر ئێمە سازشمان كرد و گفتوگۆمان قەبووڵ كرد، ئەم مەرجانەمان هەیە”. مەرجەكانیش بەم شێوەیەن:

یەكەم: كشانەوەی هادی عامری و ڕەوتەكەی لە چوارچێوەی هەماهەنگی.

دووەم: رەتكردنەوەیەكی راشكاوانەی قسەكانی نێو تۆمارە دزەپێكراوەكەی نووری مالیكی كە ئەو بە (سپایكەر مان) وەسفی كردووە.

سێیەم: هادی عامری لە نێو ئەو كەسانەدا بووە كە واژۆی لەسەر بەڵگەنامەی چاكسازی كردووە، بەڵام جێبەجێ نەكراوە، كێ گەرەنتیی جێبەجێكردنی گفتوگۆی چاكسازی دەكات؟ بۆیە لەسەر هادی عامرییە گەرەنتییەك دیاری بكات “بۆ ئەوەی عێراق لە گەندەڵی دەرباز بكات”.