خەڵک لەبەر گرانی هاواریان لێ هەستاوە
بەهای لیرەی توركی دیسان دابەزینێكی دیكەی بەرامبەر بە دۆلار تۆمار كرد، هاووڵاتیانی توركیاش هاواریان لێ هەستاوە لەبەر گرانیی نرخی هەموو شتێك.
دوای ئەوەی ڕۆژی پێنجشەممە 21/7/2022، بانكی ناوەندیی ئەورووپا لە سەرووی چاوەڕوانییەكانەوە ڕێژەی سووی 50 خاڵ زیاد کرد، ئەم کارە كاریگەریی ڕاستەوخۆی لەسەر دابەزینی لیرەی توركی بەرامبەر بە دۆلار هەبوو.
ئەمڕۆ 25/7/2022، بەهای لیرەی توركی دابەزینێكی تری تۆمار كرد و 100 دۆلاری ئەمریكی گەیشتە هەزار و 783 لیرەی توركی.
ئەمەش لە كاتێكدایە كە هاووڵاتیانی توركیا لەبەر گرانیی نرخی خۆراك و كەلوپەلەكانی تر هاواریان لێ هەستاوە.
جگە لەوەش هەڵاوسانی ئابووری لە توركیا زۆر بەرز بووەتەوە و گەیشتووەتە 85%، بۆیە ئابووریی توركیا بەرەو خراپی دەچێت.
1
2
3
4
5
6
7
8
