ئۆپۆزسیۆنی توركیا داوا دەكات ڕۆژی ڕێككەوتنی لۆزان ببێتە پشووی فەرمی
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئۆپۆزسیۆنی توركیا داوا دەكات ڕۆژی ڕێككەوتنی لۆزان ببێتە پشووی فەرمی

كەمال كلیچدارئۆغڵو، سەرۆكی پارتی گەلی كۆماری، پێی وایە ئەو ڕۆژەی ڕێككەوتنی لۆزان ئیمزا كرا، پێویستە وەكوو جەژن مامەڵەی لەگەڵدا بكرێت و ئەو ڕۆژە ببێتە پشووی فەرمی لە هەموو توركیادا، چونكە ئەو ڕێككەوتنە تاپۆی دەوڵەتی توركیایە.

لە ساڵیادی 99 ساڵ بەسەر تێپەڕینی ڕێككەوتنی لۆزاندا، كلیچدارئۆغڵو، كە پارتەكەی گەورەترین پارتی ئۆپۆزسیۆنی توركیایە، لە هەژماری تایبەتی خۆی لە تویتەر دەنووسێت: ”لە كاتی كردنەوەی پەرلەماندا، یەكەم پڕۆژەیاسامان ئەوە دەبێت، كە ئەو ڕۆژەی ڕێككەوتنی لۆزان ئیمزا كرا، لە تەواوی توركیا ببێتە پشووی فەرمی. هەیە ڕەخنە لە ڕێككەوتنی لۆزان دەگرێت، بەڵام ئەوان لە توركیا نەگەیشتوون و توركیایان خۆش ناوێت و كۆماری توركیایان خۆش ناوێت''.

كلیچدارئۆغڵو ئاماژەی دا كە لەم وڵاتەدا خەباتیان كردووە تا هەژاری نەهێڵن و ئەوانەشی ئەو خەباتەیان كرد، باب و باپیرانمان بوون، بۆیە ئێستا كاتیەتی توركیا گەورە بكرێت.

شەڕی چانكالا، كە بە شەڕی ڕزگاریی توركیا دادەنرێت و لەو شەڕەدا توانییان هێزی داگیركاری بشكێنن، كە مستەفا كەمال ئەتاتورك ڕێبەرایەتیی ئەو شەڕەی كردووە.

سەڵاحەددین دەمیرتاش، هاوسەرۆكی پێشووی هەدەپە دەڵێت: ”ئەگەر لە زیندان ئازاد كرام، دەچمە سەر گۆڕی ئەو كەسانەی لە شەڕی چانكالا شەهید بوون و فاتیحەیان لەسەر دەخوێنم''.

لەسەر ئەم گوتەیە ڕەخنەی زۆری لێ گیراوە، چونكە كاتێك توركیا ڕزگار كرا، كورد هیچ مافێكی پێ نەدرا و تەنانەت بە هاووڵاتیی پلە چواریش هەژمار نەكرا.