یوتیوب رێنوێنییە ناڕاستەكان لەسەر لەباربردنی منداڵ لادەبات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

یوتیوب رێنوێنییە ناڕاستەكان لەسەر لەباربردنی منداڵ لادەبات

 

كەناڵی یوتیوب ڕایگەیاندووە كە دەست دەكات بە لابردنی ئەو ڤیدیۆیانەی كە بانگەشەی درۆ یان ناسەلامەتیان تێدایە كە پەیوەندییان بە لەباربردنەوە هەیە، ئەمەش لە هەڵمەتێكدا كە پلاتفۆرمەكە سەرپەرشتی دەكات بۆ بەرەنگاربوونەوەی زانیارییە هەڵەكانی پەیوەست بەم ڕێكارە پزیشكییە.

ئەم هەنگاوەی یوتیوب لە كاتێكدایە كە ژنان لە ئینتەرنێتەوە بەدوای زانیاریی متمانەپێكراودا دەگەڕێن لەسەر بابەتی دووگیانی، ئەمەش دوای هەڵوەشاندنەوەی مافی لەباربردنی منداڵ لە زۆرێك لە ناوچەكانی ئەمریكا.

لە وەڵامی پرسیارێكی ئاژانس فەرەنسا-پرێس، گوتەبێژی یوتیوب گوتی: "ئێمە بە لەڕادەبەدەر گرنگ دەزانین بۆ بەكارهێنەران كە ناوەڕۆكی پەیوەندیدار بە بابەتەكانی تەندروستی لە سەرچاوە متمانەپێكراوەكانەوە بخەنە بەردەستی بەكارهێنەران، هەروەها بەردەوام پێداچوونەوە بە سیاسەت و ناوەڕۆكەكانمان دەكەین لەگەڵ پێشكەوتنەكانی جیهان".

گوتەبێژەكەی یوتیوب دەشڵێت: "ئێمە ئەو ناوەڕۆكانە لادەبەین كە رێنوێنی دەدات سەبارەت بە شێوازەكانی لەباربردنی ناپارێزراو یان ئیدیعای درۆ سەبارەت بە لەباربردنی سەلامەت بەپێی سیاسەتەكانی زانیاری پزیشكی چەواشەكارانەمان بەرەوپێش دەبات".