نەوزاد شێخ کامل بەڕێوەبەری گشتیی بازرگانی ڕای گەیاند پرۆسەی وەرگرتنی گەنمی جوتیاران بەردەوامە و تا ڕۆژی دووشەممە ٢٠٢٢/٧/٤، بڕی ٢١٣ هەزار و ١٣٩ تۆن و ٢٦٠ کیلۆ گەنم وەرگیراوە.
ئاماژەی بەوەش دا كە لەم ٢١٣ هەزار تۆنە، سایلۆکانی سلێمانی و گەرمیان و ڕاپەڕین بڕی ٩٨ هەزار و ٩٧٠ تۆن و بیست کیلۆ گەنمیان لە جووتیاران وەرگرتووە، هەروەها سایلۆی هەولێر بڕی ٧٠ هەزار و ٨٢١ تۆن و ١٢٠ کیلۆ گەنمی وەرگرتووە.
نەوزاد شێخ کامل هەروەها ئاشكرای كردووە كە سایلۆکانی فایدە و شێخان و زاخۆش بڕی ٤٣ هەزار و ٣٤٢ تۆن و ١٢٠ کیلۆ گەنمیان لە جوتیاران وەرگرتووە.
بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان داواشی لە جوتیاران كرد، گەنمەکانیان رادەستی سایلۆکان بکەن و لە نزیکترین کاتدا شایستە داراییەکانیان وەردەگرن.