كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

ڕێگه‌ به‌ فڕۆكه‌یه‌كى ئێرانى نه‌درا له‌ هه‌ولێر بنیشێته‌وه‌

وێنه‌ ئه‌رشیف

بەڕێوەبەری فڕۆکەخانەی نێودەوڵەتیی هەولێر ڕایده‌گه‌یه‌نێت، ڕێگه‌ به‌ فڕۆكه‌یه‌كى ئێرانى نه‌درا له‌ فڕۆكه‌خانه‌ى نێوده‌وڵه‌تیی هه‌ولێر بنیشێته‌وه‌.

ئەحمەد هۆشیار، بەڕێوەبەری فڕۆکەخانەی نێودەوڵەتیی هەولێر به‌ كه‌ناڵى (كوردستان 24)ى ڕاگه‌یاندووه‌: "بڕیار بوو ئەمڕۆ فڕۆکەیەکی هێڵی ئاسمانیی ئێرانی، یەکەم گەشت لە شاری ورمێ-وە بۆ هەولێر ئەنجام بدات، بەڵام بەهۆی چەند ڕێکارێکی یاسایی ڕێگەمان بە نیشتنەوەی لە فڕۆکەخانەی نێودەوڵەتیی هەولێر نەداوە".

باسى له‌وه‌ش كرد: "چوار رۆژە داوامان لە هێڵی ئاسمانیی ئاتای ئێرانی کردووە، زانیاریی تەواو لەبارەی فڕۆکەکە و سەرنشینەکان و ئەو بارەی هەڵیگرتووە، بدات، وەک ڕێکارێکی یاسایی و ئاسایی بە فڕۆکەخانەی نێودەوڵەتیی هەولێر، بەڵام هێڵی ئاسمانییە ئێرانییەکە ڕەتی کردووەتەوە زانیارییەکان بە فڕۆکەخانەی نێودەوڵەتیی هەولێر بدات، بۆیە ڕێگە بە نیشتنەوەی فڕۆکە ئێرانییەکە نەدرا".