كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

کۆیە.. پێش جەژنى قوربان پارەى شەش مانگى کرێکارانى پاککەرەوەى نەخۆشخانەکان دابەش دەکرێت

بڕیارە پێش هاتنى جەژنى قوربان، وەزارەتى دارایى حکوومەتى هەرێمى کوردستان پارەى شەش مانگى کرێکارانى پاککەرەوەى نەخۆشخانەکان لە سنوورى قەزاى کۆیە خەرج بکات.

هاوکار عەلى، گوتەبێژى تەندروستیی کۆیە بە (باسنیوز)ى ڕاگەیاند: "دواى هەوڵ و ماندووبوون و گەیاندنى داواکاریى تەواوى کرێکارانى پاککەرەوەى نەخۆشخانەکانى کۆیە کە ماوەى شەش مانگە مووچەیان پێ نەدراوە، خۆشبەختانە وەزارەتى دارایى حکوومەتى هەرێمى کوردستان بڕیارى خەرجکردنى پارەکەى دا''.

گوتیشى: "پارەکە هى شەش مانگى ئەمساڵە و بڕیارە لەم هەفتەیەدا و پێش هاتنى جەژنى قوربان بەسەر کرێکارەکاندا دابەش بکرێت و بۆ مانگەکانى داهاتووش کێشەى درەنگکەوتن و پێنەدانى مووچەیان چارەسەر بکرێت''.