خۆتۆمارکردنی کرێنشینان بۆ دوو رۆژی دیکە درێژ کرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

خۆتۆمارکردنی کرێنشینان بۆ دوو رۆژی دیکە درێژ کرایەوە

 

بۆ پێدانی دەرفەتی زیاتر تۆمارکردن لە فۆڕمی کرێنشینان بۆ دوو ڕۆژی دیکە درێژ کرایەوە.

راگەیاندنی دەستەی وەبەرھێنان، بڵاوی کردەوە، لەسەر داوای ھاووڵاتییان و ئەوانەی تاوەکو ئێستا نەیانتوانیوە فۆڕمەکە پڕبکەنەوە، دەستەی وەبەرھێنان ، بۆ ماوەی دوو رۆژی دیکە ، فەڕمەکە بەردەست دەخات و جەختی کردووەتەوە ھاووڵاتییان دەتوانن سوود لەو دەرفەتە ببینن و خۆیان تۆمار بکەن.

بڕیاری سەرۆكی حكوومەتی ھەرێمی كوردستان بۆ ھەژار و كەمدەرامەت و كرێچییان 20هەزار شوقە دروست دەكرێت.

بەپێی داتاکانی دەستەی وەبەرهێنان، تاوەکوو ئێستا زیاتر لە 100 هەزار کەس فۆڕمی شوقەکانیان پڕ کردووەتەوە.

د.محەمەد شوکری، سەرۆکی دەستەی وەبەرهێان ڕایگەیاند: "فەرمانێک لە سەرۆکی حکوومەت دەرچووە لە27ی 6، ئەرکی لایەنە پەیوەندیدارەکان بۆ دیاریکردنی ناوی ئەو کەسانەی فۆڕمیان پڕ کردووەتەوە، پارێزگا و ئیداره سەربەخۆکان بەدواداچوون بۆ ناوەکان دەکەن بزانن سوودمەندن یان شایستەن، هەر ئەوانیش شوێنی دروستکردنی شوقەکان دیاری دەکەن، دەبێ شوێنێک دەسننیشان بکرێ، نزیکی شار بێت و خزمەتگوزارییەکانی لێوە نزیک بێت".

بەپێی داتایەك كە دەست (باسنیوز) كەوتووە، یەكەكانی نیشتەجێبوون بەم شێوەیە لە چوارچێوەی پارێزگا و ئیدارە سەربەخۆكاندا دابەش كراوە.

ژمارەی یەكەكانی نیشتەجێبوون:

- بۆ ھەولێر و ئیدارەی سەربەخۆی سۆران، شه‌ش هه‌زار و 800 یەكەی نیشتەجێبوون.

- بۆ سلێمانی و ھەڵەبجە و ئیدارە سەربەخۆكان هه‌شت هه‌زار و 600 یەكەی نیشتەجێبوون.

- بۆ دھۆك و زاخۆ چوار هه‌زار و 600 یەكەی نیشتەجێبوون.