گوتەبێژی كارەبای سلێمانی ڕایگەیاند، هەر هاووڵاتییەك پێوەری زیرەكی كارەبای بۆ بەسترابێت و خۆی وەك هاوبەشی كارەبا تۆمار نەكرابێت، بڕەكارەباكەی كەم دەكرێتەوە تا ئەو كاتەی خۆی تۆمار دەكات.
سیروان محەمەد،گوتەبێژی كارەبای سلێمانی بە (باسنیوز) ی ڕاگەیاند: "داوامان كردووە ئەو هاووڵاتیانەی کارەبایان ڕاكێشاوە و پێوەری زیرەکیان بۆ بەستراوە، بەڵام بە فەرمی هاوبەشی كارەبایان نەکردووە و خۆیان تۆمار نەكردووە، لە ماوەی مانگێكدا سەردانی هۆبەکانی فرۆشتنی وزەی بەڕێوەبەرایەتییەکانی کارەبا بکەن بۆ تۆمارکردن و هاوبەشیكردن بەشێوەری فەرمی".
گوتیشی: "بەپێچەوانەوە کارەباکەیان کەم دەکرێتەوە و تا مامەڵەی هاوبەشیکردنەکەی بە فەرمی تەواو دەبێت، هەر هاوبەشێک دەستکاری پێوەرە زیرەکەکە بکات، رووبەرووی رێکاری یاسایی دەبێتەوە".