كوردی عربي بادینی
Kurdî English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
×

بریاره‌كا سه‌رۆكێ حكومه‌تا هه‌رێما كوردستانێ دێ بیته‌ ئه‌گه‌رێ گه‌شه‌كرنا گه‌شتوگوزارى ل زاخۆ

رێڤه‌به‌رێ گه‌شتوگوزارێ ل ئێدارا سه‌ربه‌خۆیا زاخۆ دیاركر، پشتى جه‌نابى سه‌رۆكێ حكومه‌تا هه‌رێما كوردستانێ بریار ل سه‌ر چێكرنا مه‌زنترین پرۆژه‌یێ گه‌شتیارى ل زاخۆ دایێ نوكه‌ ده‌ست ب جه ئینانا پرۆژه‌یێ هاته‌ كرن دێ ئه‌ڤه‌ بیته‌ ئه‌گه‌ر گه‌شتوكوزار ل زاخۆ گه‌له‌ك گه‌شێ بكه‌ت و پتر گه‌شتیار قه‌ستا زاخۆ بكه‌ن.

چیا ئه‌مین، رێڤه‌به‌رێ گه‌شتوگوزارێ ل ئێدارا سه‌ربه‌خۆیا زاخۆ بۆ (باسنیوز) راگه‌هاندكو: "ل سه‌ر رووبه‌رێ 56 هزار مه‌ترێن دووجار یێن ئه‌ردى و ب گوژمێ 11 ملیار و 500 ملیۆن دیناران ل سه‌ر ئه‌ركێ حكومه‌تا هه‌رێما كوردستانێ دێ ده‌ست ب چێكرنا مه‌زنترین پرۆژه‌یێ گه‌شتیاریێ ل ئێدارا سه‌ربه‌خۆیا زاخۆ هێته‌ كرن''.

گۆتژی: ''ئه‌ڤ پرۆژه‌ یێ پێكهاتیه‌ ژ موزه‌خانه‌كا گشتى و پارك بۆ ترۆمبێلان و 70% دێ كه‌سكاتیى بیت و جهێن ره‌وشه‌نبیرى و كۆمه‌لایه‌تى و جهێن بیهنڤه‌دانێ هه‌موو ئه‌و تشت ناڤدا هه‌نه‌ و دێ بیته‌ ئه‌گه‌ر پتر گه‌شتیار قه‌ستا زاخۆ بکەن''.

ئاشكه‌را كركو: "ده‌لیڤین كاركرنێ دێ پتر په‌یدا بن و مفا دێ ژ ئاڤا خابیرى بۆ گه‌شتیارى هێته‌ وه‌رگرتن كو ئه‌ڤ پرۆژه‌ ئێكه‌ ژ پرۆژه‌یێن ئه‌ستراتیجى یێن حكومه‌تا هه‌رێما كوردستانێ ل ئێدارا سه‌ربه‌خۆیا زاخۆ دهێته‌ بجه ئێنان''.