مادده‌كانی به‌شه‌خۆراك گه‌یشتن و ده‌ست به‌دابه‌شكردنیان ده‌كرێ
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

مادده‌كانی به‌شه‌خۆراك گه‌یشتن و ده‌ست به‌دابه‌شكردنیان ده‌كرێ

 بەڕێوەبەری گشتیی بازرگانی ئاشکرای کرد، شەکر و زەیت و برنج و دۆشا و  گەیشتووەتە کوردستان و پاش پشکنین دابەش دەکرێت.

ئه‌مڕۆ چوارشه‌ممه‌ 29/6/2022، نەوزاد شێخ كامیل، بەڕێوەبەری گشتیی بازرگانی لە وەزارەتی بازرگانی و پیشەسازیی حكوومەتی هەرێمی كوردستان، بە (باسنیوز)ی ڕاگەیاند: "بەشەخۆراکی چوارەم بەردەوام دێت و دابەش دەکرێت و شتێکی کەم ماوە و تەواو دەکرێت".

سەبارەت بە دابەشکردنی سەبەتەی پێنجەمی بەشەخۆراک، نەوزاد شێخ كامیل گوتی: "بەشەخۆراکی پێنجەم شەکر و زەیت و بڕێک برنج و دۆشاو و ئاری نۆک (له‌تكه‌نۆك) بەشێکی گەیشتووە و پاش پشکنینی لەلایەن کوالێتیی کۆنتڕۆڵی وەزارەتی تەندروستی دەست بەدابەشکردن دەکرێت".

بەڕێوەبەری گشتیی بازرگانی جەختی کردەوە "هەندێک ماددەی خۆراک ماون، کە هاتن و له‌ پشکنینەکان دەرچوون، ناوەستین ڕاستەوخۆ دەست بەدابەشکردنیان دەکەین".

جەختی کردەوە دواکەوتنی ماددەکانی خۆراک پەیوەندیی بە بەغداوە هەیە.

شایانی باسە، عەلا جبوری، وەزیری بازرگانیی عێراق لە ڕاگەیەنراوێکدا بڵاوی کردەوە: "لە رۆژی یەکشەممە خۆراک دراوتە بریکارەکان و دەبێ ڕاستەوخۆ بەسەر هاووڵاتییاندا دابەش بکرێ".

لای خۆیەوە لەمیا هاشم موسەوی، بەڕێوەبەری كۆمپانیای گشتیی بازرگانیكردنی خۆراك لە وەزارەتی بازرگانیی عێراق، بە كەناڵی فەرمیی (عێراقییە)ی راگەیاند: "لە یاسای ئاسایشی خۆراکدا بۆ ئەمساڵ، پارەی شەش سەبەتەی خۆراک دابین کراوە و مانگانەش تاوەكوو كۆتایی ساڵ دابەش دەکرێ".

ئەو بەرپرسەی وەزارەتی بازرگانیی عێراق، گوتیشی: "شەش سەبەتەی خۆراک وەک پاڵپشتیی ستراتیجی بۆ ئاسایشی خۆراکی ئەمساڵ لە یاساکەدا جێگیر کراوە، هەروەها ماددەکانی نێو ئەو شەش سەبەتە خۆراكەی ئەمساڵ حەوت ماددەن".