تەرمی سێ کۆچبەری کورد دەگەڕێتەوە هەرێمی  کوردستان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

تەرمی سێ کۆچبەری کورد دەگەڕێتەوە هەرێمی  کوردستان

شێخ حسێن، نوێنەری دەزگای لوتکە لە وڵاتی یۆنان ڕایگەیاند، ڕۆژی شەممە ٢/٧/٢٠٢٢ کاتژمێر ٤:٠٥ خولەکی ئێوارە تەرمی سێ کۆچبەری کورد لە ڕێگەی فڕۆکەخانەی نێودەوڵەتی هەولێرەوە دەگەڕێتەوە هەرێمی کوردستان کە یەکێک لەو تەرمانە منداڵێکی شەش ساڵە و یەکێکی دیکەشیان منداڵێکی نۆ ساڵانە.

 ڕایشیگەیاندووە، دوای زیاتر لە پێنج مانگ بەسەر ڕووداوی ژێرئاوکەوتنی یەختێکی کۆچبەران لە ٢١/١٢/٢٠٢١ نزیک دوورگەی سانتۆرینی یۆنان تەرمی ئەو سێ  کۆچبەرە کوردە بە چەند قۆناغێکی جیا لەلایەن پۆلیسی کەناراوەکانی یۆنان دۆزراونەتەوە.

ئاماژەی بەوەش کردووە: لە ساتی ڕووداوەکەشەوە تا ئێستا دەزگای لوتکە و نوێنەرەكانی بەردەوام لەسەر هێڵن بەمەبەستی دیاریکردنی چارەنووسی بێسەروشوێنبوانی ئەو ڕووداوە و دڵنیاییش دەداتە کەسوکاری بێسەروشوێنبوان کە سەرجەم دۆسیەکانیان بەکراوەیی ماون ‎و کاریان لەسەر دەکرێت.