لە سلێمانی مشك و جرج لە نێو پێویستییه‌ خۆراكییه‌كاندا ئاشكرا دەبێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە سلێمانی مشك و جرج لە نێو پێویستییه‌ خۆراكییه‌كاندا ئاشكرا دەبێت

 لە سلێمانی لە كۆگایەكی خۆراكدا لە نێو برنج، رۆن، فاسۆلیا، پاقلە، نیسک، نۆک، کشمیش، پاشماوەی مشك و جرج دۆزراوەتەوە.

قایمقامیه‌تی سلێمانی، لە ڕاگەیاندراوێک بڵاوی کردەوە "بەهۆی نەبوونی هیچ مەرجێکی تەندروستی و دانانی موادی خۆراکی بەشێوەی نا تەندروست لەگەڵ ئامێری کارەبایی، کۆگای بیکۆ لە گەڕەکی ژاڵەی جەزا جاف داخرا و رێکاری یاسایی لەگەڵ خاوەنەکەی دەگیرێتەبەر".

هاوڕێ ئەمین، سەرۆکی لیژنەی کۆگای لیژنە هاوبەشەکانی قایمقامیه‌تی سلێمانی رایگەیاند: لە چوارچێوەی سەردان و بەدواداچونەکانمان سەردانی کۆگای بیکۆمان کرد، دەرکەوت تێیدا لەگەڵ ئامێری کارەباییدا بڕی دەیان تۆن مەوادی خۆراکی وەکوو (برنج، رۆن، فاسۆلیا، پاقلە، نیسک، نۆک، کشمیش) هەڵگیراوە و بەشێوەیەکی ناتەندروست داندراون و پاشماوەیەکی زۆری قرتێنەرەکانی وەکو مشک و جرجی تێدایە کە ناکرێت لە کۆگادا هەبن".

ئەو بەرپرسەی قایمقامیه‌تی سلێمانی  گوتیشی: "لە كۆگاكە هیچ ئامێرێکی فێنککەرەوە و هەواکێشی نییە و پلەی گەرمی ناو کۆگاکە بەرزەو بۆ هەڵگرتنی خۆراک شیاو نییە".

دیار جەمال، ئەندامی لیژنەی باڵای لیژنە هاوبەشەكان رایگەیاند: "لەسەر فەرمانی قایمقامی سلێمانی، ئەو کۆگایە داخرا تا ئەوکاتەی پابەندی رێنماییەکان دەبێت و نمونەی خۆراکەکانیش دەنێرین بۆ پشکنین، ئەگەر لەپشکنین دەرنەچوون تەواوی خۆراکەکان  لە ناودەبردرێن".

No photo description available.

 

No photo description available.

 

No photo description available.

 

No photo description available.

 

No photo description available.

 

No photo description available.

 

May be an image of indoor

 

May be an image of 3 people