عێراق.. ئاگرێكی گەورە لە كۆمەڵگایەكی بازرگانی لە دیالە كەوتەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

عێراق.. ئاگرێكی گەورە لە كۆمەڵگایەكی بازرگانی لە دیالە كەوتەوە

ئەمڕۆ چوارشەممە 22/6/2022، ئاگرێكی گەورە لە بازاڕێكی سەنتەری شاری بەعقووبە لە پارێزگای دیالە كەوتەوە و بووە هۆی سووتانی نزیكەی 50 فرۆشگا و شوێنی بازرگانی.

بەگوێرەی (ئاژانسی هەواڵەكانی عێراق)، بەڕێوەبەرایەتیی بەرگریی شارستانی ئاگرەكەی كوژاندووەتەوە، كە لەناو كۆمەڵگای فارووقی بازرگانی لە سەنتەری شاری بەعقووبە كەوتووەتەوە.

ئاگرەكە هیچ زیانێكی گیانیی بەدواوە نەبووە، بەرگریی شارستانیش داوای كردووە، لێكۆڵینەوە لە هۆكاری ئاگركەوتنەوەكە دەست پێ بكرێ و تیمی شارەزا لە بەڵگەی تاوان بانگ بكرێ، بۆ ئەوەی هۆكارەكانی ئاگركەوتنەوەكە لەو كۆمەڵگا بازرگانییە دەستنیشان بكات.

خاوەن فرۆشگا و شاهێدەكان بە میدیاكانیان راگەیاندووە، كە بەهۆی بارگرانیی زیاد لەسەر یەكێ لە بگۆڕەكانی كارەبا ئەو ئاگرەكە كەوتووەتەوە. هەر ئەو خاوەن فرۆشگایانە زیانە مادییەكانیان بە ملیۆنان دینار خەمڵاندووە و داوا لە حكوومەتی عێراق دەكەن قەرەبوویان بكاتەوە.