هادى فەتاح، ماوەى چەند ساڵێکە دەستى داوەتە کێشانى تابلۆى ناوچە جیاجیاکانى کوردستان و لە ڕێگەى تابلۆکانییەوە دەیەوێت سروشتى ناوچە جیاجیاکانى کوردستان پێشانى خەڵک بدات، کە ئەگەر لێیان ورد نەبیتەوە، هەست ناکەى ئەو تابلۆیانە بەدەست کێشرابن.
هادى فەتاح، كە هونەرمەندێكی دەستڕەنگی شارى سلێمانییە و دەرچووى ئامادەیى کشتوکاڵە، لەوبارەیەوە بە (باسنیوز)ى ڕاگەیاند: “دواى خانەنشینبوونم، دەستم داوەتە کێشانەوەى تابلۆى سروشتى ناوچە جیاجیاکانى کوردستان، کە زیاتر لەسەر داواکاریى خەڵک دروستیان دەكەم”.
گوتیشى: “لەو کارەمدا وێڕاى ئەوەى دەمەوێت بەهۆیەوە بەشێکى گوزەرانى ژیانم دابین بکەم، دەشمەوێت جوانییەکانی سروشتى کوردستان لەناو ماڵەکان، یان شوێنی کارى هاووڵاتییان پێشانى خەڵک بدەم، بۆ ئەوەى لە ڕێگەی تابلۆکەوە چێژ لە تەماشکردنی سروشتى وڵاتەکەمان وەرگرن و لەبەرچاویان بێت”.
ئەو باسى لەوەش کرد کە لە کێشانى تابلۆدا زۆر وردەکارى دەکات، بە جۆرێک کە کێشانى تابلۆ هەبووە ماوەى یەک هەفتەى پێویست بووە.
1
2
3
4
5
6
7
8
