موقتەدا سەدر دەرگای گفتوگۆی بەڕووی لایەنە سیاسییەكاندا داخست
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

موقتەدا سەدر دەرگای گفتوگۆی بەڕووی لایەنە سیاسییەكاندا داخست

ئەمڕۆ یەكشەممە سەركردەیەكی ڕەوتی سەدر رای گەیاند موقتەدا سەدر بە تەواوی دەرگای بەڕووی ناوبژیكەراندا داخستووە لەبارەی دانوستاندنی سیاسییەوە و ئێستا بە تەواوی خۆی لە سیاسەت دابڕاندووە.

میدیاكانی عێراق لە زاری سەرچاوەیەكی ناو دەستەی سیاسیی رەوتی سەدریان گواستەوە كە موقتەدا سەدر خۆی لە سیاسەت دابڕاندووە و دەرگای بە ڕووی ناوبژیكەرانیشدا داخستووە لەبارەی دانوستاندنی سیاسییەوە بۆ پێكهێنانی حكوومەتی نوێی عێراق.

سەرچاوەكە دووپاتی كردووەتەوە كە رەوتی سەدر پابەندی بایكۆتكردنی پرۆسەی سیاسییە و سوورە لەسەر دەستلەكاركێشانەوەی كوتلە پەرلەمانییەكەی و هیچ پاشگەزبوونەوەیەك لە بڕیارەكەدا نییە.

سەرچاوەكە ئاماژەشی بەوە داوە كە لە چەند رۆژی داهاتوودا موقتەدا سەدر روو لە سعوودییە دەكات بۆ ئەنجامدانی حەج.