کەرکووک.. مووچەی مامۆستایانی سەر بە وەزارەتی پەروەردەی حكوومەتی هەرێمی كوردستان دابەش دەکرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

کەرکووک.. مووچەی مامۆستایانی سەر بە وەزارەتی پەروەردەی حكوومەتی هەرێمی كوردستان دابەش دەکرێت

بەڕێوەبەری خوێندنی كوردی لە كەركووك، دەربارەی دابەشكردنی مووچەی مامۆستایانی سەر بە وەزارەتی پەروەردەی حكوومەتی هەرێمی كوردستان كارگێڕیی قوتابخانەكان ئاگادار دەکات.

ئەمڕۆ یەكشەممە 12ی 6ی 2022، شێرزاد ڕەشید، بەڕێوەبەری خوێندنی كوردی لە كەركووك لە ئەكاونتی خۆی لە فەیسبووك ئاگادارییەكی بڵاو كردووەتەوە و تێیدا هاتووە، کارگێڕیی قوتابخانەکان ئاگادار دەکەینەوە کە:

1- سبەی دووشەممە 13/6/2022 لە کاتژمێر 10:00ی بەیانی چەکی بانکیی مووچە لە دەروازە دابەش دەکرێت بۆ قوتابخانە دواناوەندییەکان و باخچەکانی منداڵان و هەموو قوتابخانەکانی سنووری شارۆچکەی داقوق و لە کاتژمێر 11:00ی بەیانییش لە بانکی چەرموو مووچە دابەش دەکرێت.

2- ڕۆژی سێشەممە 14/6/2022 لە کاتژمێر 8:00ی بەیانی چەکی بانکیی مووچە لە دەروازە دابەش دەکرێت بۆ هەموو قوتابخانە سەرەتاییەکان لەناو شار و دەرەوەی شار و لە کاتژمێر 9:00ی بەیانییش لە بانکی چەرموو مووچە دابەش دەکرێت.

حكوومەتی هەرێمی كوردستان هەزاران مامۆستا و فەرمانبەری بۆ خوێندنی كوردی لە كەركووك دامەزراندووە و مانگانەش مووچەكانیان بۆ دابین دەكات.