هیندستان.. ئەنفله‌وه‌نزای تەماتە سه‌رهه‌ڵده‌دات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

هیندستان.. ئەنفله‌وه‌نزای تەماتە سه‌رهه‌ڵده‌دات

میدیاکانی هیندستان ڕایانگەیاندووە، کە 26 حاڵەتی ئەنفله‌وه‌نزای تەماتە لە هیندستان سه‌ریهه‌ڵداوە، ئەمەش بەرپرسانی تەندروستی نیگەران کردووە.

ڕۆژنامەکانی هیندستان بڵاویان کردەوە، کە ڤایرۆسی ئەنفله‌وه‌نزای تەماتە کاریگەریی لەسەر منداڵان هەیە و بەدەگمەن لەنێو پێگەیشتواندا هەیە، کە سەرەتای ئەم مانگە لە هەندێک لە ویلایەتەکانی باشووری هیندستان بەدەر کەوت.

بەپێی (هیندی ئێکسپرێس، دی ئێن ئەیندیا و تەندروستی)، هیچ پەیوەندییەک لەنێوان ئەنفله‌وه‌نزای تەماتە و ڤایرۆسی کۆرۆنادا نییە.

هەرچەندە هەندێک لە نیشانەکانی ئەنفله‌وه‌نزای تەماتە هاوشێوەی نیشانەكانی ڤایرۆسی کۆرۆنان، بەڵام هیچ پەیوەندییەک لەنێوانیاندا نییە.

بەپێی میدیاکانی هیندستان، نەخۆشییەکە بە ڕێژەیەکی زۆر مەترسیدارە و پێویستی بە كه‌ره‌نتین و جیاكردنەوە هەیە لە پێنج ڕۆژەوە بۆ هەفتەیەک.