ترۆمبێلا فه‌رمانبه‌ره‌كێ دهۆكێ هاته‌ دزین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ترۆمبێلا فه‌رمانبه‌ره‌كێ دهۆكێ هاته‌ دزین

ئه‌ڤرۆ ل تاخێ نزاركێ، ل دهۆكێ، ل ده‌مێ ده‌واما فه‌رمى دا، ترۆمبێلا فه‌رمانبه‌ره‌كێ دهێته‌ دزین.

حه‌جى شه‌ریف، كۆ خۆدانێ وێ ترۆمبێلا هاتیه‌ دزین بۆ(باسنیوز) دیاركر:" ئه‌ز فه‌رمانبه‌رێ رێڤه‌به‌ریا سه‌خبێركرنا كاره‌با تاخێ نزاركێ مه‌ ل دهۆكێ، ئه‌ڤرۆ ده‌مێ من قه‌ستا ده‌واما خۆ یا فه‌رمى كرى،من ترۆمبێلا خۆ ل سه‌ر جاددێ راوه‌ستاندبوو، دیاره‌ جامه‌كێ ترۆمبێلێ ل خارێ بوویه‌، ده‌مێ ژ ده‌واما خۆ دوماهى هاتیم، من قه‌ستا جهێ ترۆمبێلێ كر، لێ دیار نه‌مابوو، هاتیه‌ دزین".

خۆدانێ وێ ترۆمبێلێ گۆت ژى:" ترۆمبێلا من ژ جۆرێ نیسان سه‌نى سالونه‌، مودێلا وێ یا سالا 2003 یه‌، ژمارا تابلۆیا ترۆمبێلێ 37284ه‌، هه‌رچه‌نده‌ من ده‌زگه‌هێن ئێمناهیێ لسه‌ر ڤێ رۆیدانێ ئاگه‌هداركرینه‌، لێ ل نیڤرۆ تا نۆكه‌ ، ترۆمبێلا من نه‌هاتیه‌ دیتن، ئه‌ز نزانم كێ دزیه‌، چونكه‌ من چ ئاریشه‌ دگه‌ل كه‌سێ نه‌بوونه‌، دخازم زوترین ده‌م ترۆمبێلا من بهێته‌ دیتن و كه‌سێ ئه‌ڤ تاوانه‌ كرى، بهێته‌ ده‌ستنیشانكرن".