ب پشكداریا هه‌مى پێكهاتان 53 سالیا پارێزگه‌هبونا دهۆكێ دێ هێته‌ ساخكرن
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ب پشكداریا هه‌مى پێكهاتان 53 سالیا پارێزگه‌هبونا دهۆكێ دێ هێته‌ ساخكرن

 

كه‌رنه‌ڤالێ هه‌شتێ یێ 53 سالیا پارێزگه‌هبوونا دهۆكێ ژڤانه‌ ئێڤاریا رۆژا ئه‌ینى 27/5/2022 ل سه‌نته‌رێ باژێرێ دهۆكێ بهێته‌ ئه‌نجامدان.

حه‌سه‌ن فه‌تاح، په‌یڤدارێ رێڤه‌به‌ریا گشتى یا ره‌وشه‌نبیرى و هۆنه‌رى ل پارێزگه‌ها دهۆكێ بۆ(باسنیوز)دیاركر: "رێڤه‌به‌ریا گشتى یا ره‌وشه‌نبیرى و هۆنه‌رى ل پارێزگه‌ها دهۆكێ ب هه‌ماهه‌نگیا كارگێریا پارێزگه‌ها دهۆكێ هه‌مى ئاماده‌كارى ئه‌نجامدانه‌ بۆ ئه‌نجامدانا هه‌شته‌مین كه‌رنه‌ڤالێ 53 سالیا پارێزگه‌هبونا دهۆكێ و هێزێن ئێمناهیێ ژى هه‌ماهه‌نگیه‌كا باش دگه‌ل مه‌ هه‌یه‌، تا كۆ ئه‌ڤ كه‌رنه‌ڤاله‌ ب باشترین ره‌نگ برێڤه‌بچیت".

گۆتژى: "مه‌ ژڤانه‌ ئه‌ڤ كه‌رنه‌ڤاله‌ جۆدا بیت ژ كه‌رنه‌ڤالێن سالێن بۆرى، د كه‌رنه‌ڤالێ ئه‌ڤساله‌ دا، دێ مه‌راسون ده‌ستپێكه‌ن، ل سه‌نته‌رێ باژێرى بۆ ناڤ بازارێ دهۆكێ ل جهێ ئه‌نجامدانا كه‌رنه‌ڤالێ، جلۆبه‌رگێن كوردى دێ هێنه‌ نیشاندان ژلایێ زه‌لام و ئافره‌تان ڤه‌،كۆنسێرتا ستران و مۆزیكێ دێ هه‌بیت ب پشكداریا هۆنه‌رمه‌ندان (عه‌بدۆلقهار زاخوى، كاروان كامل، نازدار جزیرى، تیبا رۆباد یا مۆزیكێ)".


په‌یڤدارێ رێڤه‌به‌ریا گشتى یا ره‌وشه‌نبیرى و هۆنه‌رى دیار ژ كر: "ئه‌ڤ كه‌رنه‌ڤاله‌ دێ یا جه‌ماوه‌رى بیت، روویێ جوان یێ دهۆكێ بۆ هه‌مى خه‌لكى دێ هێته‌ نیشاندان، ژبه‌ر كۆ رۆژا ئه‌ینى دێ هێته‌ ئه‌نجامدان، رۆژه‌كا بهێنڤه‌دانه‌، دێ خه‌لكێ مه‌ و گه‌شتیار ژى پشكداربن و د هه‌مان ده‌مدا ژماره‌كا زۆر یا ده‌زگه‌هێن راگه‌هاندنا كوردى و ئاژانس و كه‌نالێن بیانى دێ رۆمالا كه‌رنه‌ڤالێ كه‌ن".

دۆپات ژى كر: "د ڤێ كه‌رنه‌ڤالێ دا دێ به‌رهه‌مێن هه‌مى رێڤه‌به‌ریێن حكومى هێته‌ نیشاندان، خه‌لكێ هه‌مى قه‌زایێن دهۆكێ ژى دێ پشكدارى كه‌رنه‌ڤالى بیت، ب هیڤیا وێ چه‌ندێ باشترین كار ئه‌نجام بده‌ین و روویێ جوان یێ دهۆكێ روویێ ئاڤه‌دانى و جوانى و ڤه‌حه‌واندنا ئاواره‌یان و هه‌موو رویه‌كێ بۆ خه‌لكى نیشان بده‌ین".