بەیاننامەی لیژنەی داکۆکی لە ئازادی رۆژنامەنووسی و مافی رۆژنامەنووسان
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەیاننامەی لیژنەی داکۆکی لە ئازادی رۆژنامەنووسی و مافی رۆژنامەنووسان

بەبۆنەی هێرشە مووشەکییەکە بۆ سەر رادیۆ و تەلەڤزیۆنی دهۆک

ئەمشەوی سێشەممە لیژنەی داکۆکی لە ئازادی رۆژنامەنووسی ‌و مافی رۆژنامەنووسان لەبارەی هێرشە مووشەکییەکەی پەكەكە بۆ سەر رادیۆ و تەلەڤزیۆنی دهۆک، بەیاننامەیەكی بڵاوكردەوە.

لە بەیاننامەكەدا هاتووە "ئەمڕۆ سێشەممە بەپێی راگەیاندراوێکی ناوەندی خانی، دوو مووشەک ئاراستەی وێستگەیەکی پەخشی سەر بە ناوەندی خانی بۆ رۆشنبیری و راگەیاندن کراوە. یەکێکیان بەر وێستگەکەیان کەوتووە و بەهۆیەوە پەخشی تەلەڤزیۆن و رادیۆی دهۆک لەکار کەوتوون، جگە لە زیانێکی زۆری مادی بە دەزگاکە. بەپێی هەمان راگەیاندراو ئەو کارە لە لایەن گەریلاکانی پەکەکەوە ئەنجام دراوە. بەداخەوە کە ماوەیەکە رۆژنامەنووس و دەزگا راگەیاندنەکانی ئەو ناوچەیە بوونەتە ئامانجی تێکدەرانی ئارامی و ئاسایشی ئەو ناوچەیە، کە زۆر بەمەبەستانە و بە ئامانجەوە ئەو هێرشە بۆ سەر دەزگا راگەیاندنەکان کراوە، چونکە ئەو ناوچەیە نزیکەی ١٠ دەزگای راگەیاندنی تێدایە. ئەم دوو دەزگایە دوو دەزگای سیڤیڵن و بەئامانجگرتنی ئەم جۆرە دەزگایانە پێشێلکردنی یاسای رۆژنامەگەری و قەڵسبوونە بە ئازادی رادەربڕین و بڵاوکردنەوەی زانیاری راست و دروست.

هەروەها ئاماژەی بەوە داوە كە هێرشەكە پێچەوانەی پرینسیپەکانی کاری رۆژنامەگەریە، بۆیە لە لیژنەی داکۆکی سەرباری بەتوندی سەرکۆنەکردنی ئەم کارە، هیوادارن رۆژنامەنووسەکانی ئەم دوو دەزگایە سەلامەت بن لەو هێرشەی کراوەتە سەریان، داواکارن لەلایەنە پەیوەندیدارەکان و رێکخراوە ناوخۆیی و نێودەوڵەتیەکانی تایبەت بە مافی مرۆڤ و ئازادی رۆژنامەگەری لەگەڵ سەندیکای رۆژنامەنووسانی کوردستان لیژنەیەک بۆ بەدواداچوونی ئەم جۆرە کارانە پێک بهێنن و ئەنجامدەرانی رووبەڕووی سزا و لێپێچینەوە بکرێنەوە و سنوورێک بۆ ئەم جۆرە کارانە دابنێن.