یەكەم بڕەپارەی تەرخانكراو بۆ خزمه‌تگوزارییه‌كانی هەشتی حەسارۆک دەگات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

یەكەم بڕەپارەی تەرخانكراو بۆ خزمه‌تگوزارییه‌كانی هەشتی حەسارۆک دەگات

 

سەرۆکایەتی شارەوانی هەولێر ئاشکرای کرد کە لە هەفتەی داهاتوو یەكەم بڕەپارەی تەرخانكراو لە فرۆشتنی زەوییەكان بە هەشتی حەسارۆک دەگات.

بەپێی راگەیاندراوێکی سەرۆکایەتی شارەوانی هەولێر کە کۆپییەکی بە (باسنیوز) گەیشتووە و تێیدا هاتووە: "بۆ خێراگەیاندنی خزمەتگوزارییەكانی هەشتی حەسارۆک، سەرۆكایەتیی شارەوانیی هەولێر ڕۆژی یەكشەممەی داهاتوو 29/5/2022، كاتژمێر 12ی نیوەڕۆ لە سەرۆكایەتیی شارەوانی هەولێر، بە ڕێگەی زیادكردنی ئاشكرا، فرۆشتنی ئەو زەوییانە ڕادەگەیەنرێت كە تەواوی پارەكەی بۆ گەیاندنی خزمەتگوزاری بە هەشتی حەسارۆک تەرخان دەكرێت".

ئەوەش خراوەتە روو: "بەپێی ئاگادارییەكی (لیژنەی یەكەمی فرۆشتن و كرێدان)ی سەرۆكایەتیی شارەوانیی هەولێر كە لە 26/4/2022 بڵاوكراوەتەوە، ئەو پارچە زەوییانەی لە خوارەوە ئاماژەیان پێ كراوە، بە ڕێگەی زیادكردنی ئاشكرا و بەپێی یاسای ژمارە 1ی ساڵی 2021، هەر كەسێک ئارەزووی بەشداریكردنی هەیە سەردانی سەرۆكایەتیی شارەوانیی هەولێر بكات بۆ دانانی بارمتەی یاسایی بەڕێژەی 50% كەمتر نەبێت لە نرخی خەمڵێنراو".

هەروەها روونیشکراوەتەوە کە زیادكردنەكە لە 30ەمین ڕۆژی دوای بڵاوكردنەوەی ئەم ئاگەدارییە لە ڕۆژنامە لە كاتژمێر 12ی نیوەڕۆ دەست پێدەكات.

ژمارەی زەوییەكان:
1- 11561 /8ک 93حصاروک/ زەوی بازرگانی/ ڕووبەر: 3672 مەتر دووجا.
2- 11834 /8ک 93حصاروک/ زەوی بازرگانی/ ڕووبەر: 4752 مەتر دووجا.