مامۆستایه‌کی زانکۆ: دارا محەمەدئەمینی كۆمەڵی دادگەری ژانی شكست و لووتشكان بەری نەداوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

مامۆستایه‌کی زانکۆ: دارا محەمەدئەمینی كۆمەڵی دادگەری ژانی شكست و لووتشكان بەری نەداوە

 

مامۆستایه‌کی زانکۆی سه‌ڵاحه‌دین، وه‌ڵامێكی توندی ئه‌ندامێکی سه‌رکردایه‌تیی کۆمه‌ڵی دادگه‌ریی كوردستان ده‌داته‌وه‌ و جەخت دەكاتەوە كە ئەوانەی لە سەردەمی خیانەتی 16ی ئۆكتۆبەردا زوڕناژەنی لەشكری داگیركەران و میلیشیاكان بوون، ئێستا بە هێوربوونەوەی دۆخی كوردستان پەست بوون.

دارا محەممەد ئەمین، ئەندامی سەرکردایەتیی کۆمەڵی ئیسلامی و وەزیری پێشووی ژینگەی عێراق، لە دوایین چاوپێكەوتنی تەلەڤزیۆنیدا وەك ئەوەی خۆی لە بەغدا نەبووبێ و دزی و گەندەڵی و مافیاگەریی بەغدای لە هەموو ڕوێكەوە نەدیبێت، هێرش دەكاتە سەر هەرێمی كوردستان و بانگەشەی ئەوە دەكات گوایە بەغدا بە ئاسانی دەتوانێت دەست بەسەر هەندێك ناوچەی هەرێمی كوردستاندا بگرێت، لە كاتێكدا پێشتر بەغدا هەوڵی داوە لە دوای 16ی ئۆكتۆبەری 2017 بەهێز بێتە نێو كوردستان و لە هەوڵەكانیدا لووتی شكا و شكستی هێنا.

لە بەرامبەردا تەڵعه‌ت تاهیر، مامۆستای زانکۆی سەڵاحەدین، بۆ (باسنیوز) گوتی: ”گرووپێک په‌یدا بوون، تا ئه‌و کاته‌ له‌گه‌ڵ کوردستان و حکوومه‌ت و پرۆسه‌که‌دان که‌ خودی خۆیان و به‌رژه‌وه‌ندیی حزبه‌کانیانی تێدابێت، که‌ به‌رژه‌وه‌ندییان نه‌ما، ده‌که‌ونه‌ تانه‌ و ته‌شه‌ر‌ لێدان له‌ مێژوو و لە حکوومه‌ت، ئه‌مه‌ مێژوویه‌کی درێژی نییه‌، به‌ڵکوو له‌دوای 2003وە ده‌ستی پێکردووە، که‌ ئه‌و کاته‌ کۆمه‌ڵ و به‌شێک له‌ حزبه‌کان هاتنه‌ ده‌سه‌ڵات و پێگه‌ی خۆیان قایم کرد.“

گوتیشی: ”دارا محەمەدئەمین یه‌کێک له‌وانه‌ بوو كە بوو بە وه‌زیر، ئەم قسانەی ئێستای بەشێكە لە هەڵمەتی هەڵبژاردن، وا دیارە دەیانەوێ لە ڕێگەی ئەم قسە سواوانەوە قەرەبووی ئەو شكستە گەورەیە بكەنەوە كە لە هەڵبژاردنی 2021ی پەرلەمانی عێراقدا تووشی كۆمەڵ بوو.“

ئەو مامۆستایەی زانکۆی سەڵاحەدین، گوتیشی: ”بۆ هەر گلەیی و گازەندە و پێشنازێک بۆ باشتر بەڕێوەبردنی وڵات و حوکمڕانی، ئاساییە گرفتەکان دەستنیشان بكرێن و لە چوارچێوەی پێشنیار و پرۆژەیەك بخرێنە ڕوو. بەتایبەت پرۆسەی دەرهێنان و فرۆشتنی نەوت، ئەمە پسۆڕییە و دەبێ پسپۆڕانی ئەو بوارە میكانیزمەكە بخەنە ڕوو، بۆ ئەمەش ئاساییە ئەگەر بە ڕێككەوتنێك كە لە بەرژەوەندیی قەوارەی سیاسی و مافە دەستوورییەكانی خەڵكی كوردستاندا بێت، لەم كەیسەدا رێككەوتن لەگەڵ به‌غدا بکه‌ین، یان به‌ هه‌ر شێوه‌یه‌ک بێت نه‌وتی خۆمان هه‌نارده‌ بکه‌ین، بەڵام دارا و حزبەكەی و حزبەكانی دیكەش دەبێ لەوە تێبگەن كە ژیان و قووتی خەڵكی كوردستان بەندە بە پرۆسەی هەناردەكردنی نەوتی كوردستانەوە، ئەگەرچی ئەوان لەگەڵ وڵاتانی دراوسێ كێشەی مووچەی خودی خۆیان چارەسەر كردبێت، بەڵام بۆیان نییە و كەس ئەو مافەی پێ نەداون كە قووتی خەڵكی كوردستان بخەنە مەترسییەوە.“

راشیگه‌یاند: ”کەسانی وەك دارا محەمەدئەمین کاتی خۆی و لە کاتی خیانەتی 16ی ئۆکتۆبەر، لە ڕاگەیاندن بوونە زوڕناژەنی لەشکری داگیرکەران، نەك هەر خۆی، ئەو كەناڵەشی كە دارا ئێستا قسەی تێدا دەكات لە كاتی خیانەتەكەدا وەك ئەوەی كەناڵی میلیشیا داگیركەرەكان بێت، موژدەی كەوتنی هەولێری دەدا! بۆیە شتێكی نامۆ نییە كاتێك دەبینین كەسانی وەك دارا ئەم جۆرە قسانە دەكەن و عێراق ئەوەندە گەورە و بەتوانا نیشان دەدەن، چونكە كەسانی وەها لە هەر كوێیەك دەمیان چەور بكرێت، بەو جۆرەی داوایان لێ كراوە قسە دەكەن.“

دووپاتیشی كردەوە، دارا محەمەد ئەمین و هاوشێوەكانی، هێشتا ژانی ئەو شكستە دەروونیە بەری نەداون كە لە سحێلا و پردێ بەرەو ڕووی خۆیان و سپۆنسەرەكانیان بووەوە، بۆیە هەر دەرفەتێك ببیننەوە تێیدا، دەست بە هاشوهووش دەكەن و دەمیان بەرامبەر كوردستان گەرم دەكەن، نازانن كەس حسابی پووشێكیان بۆ ناكات.“

بە بڕوای ئەو مامۆستایەی زانكۆی سەلاحەدین: ”قەوارەی هەرێمی كوردستان لە دەستێکی ئەمیندایە و پارتی سەرکردایەتیی ئەو ڕەوتە دەکات و کردوویەتی کە ناهێڵێ مەترسییەکانی سەر کوردستان ببنە هۆی لەباربردن، یاخود لاوازبوونی قەوارەکە، دوای هەڵبژاردن ئەو بازاڕە شێواوەی حزبە ئیسلامییەکان زیاتر بەرەو کزی دەڕوات و خەڵک بڕیاری خۆی لە شێوازی حوکمڕانیی وڵات دەدات.“