بەڕێوەبەرایەتیی خۆپاراستنی تەندروستیی هەڵەبجە، لەناو بازاڕی هەڵەبجە هەڵمەتێكی دابەشكردنی ماسكى به‌ڕێوه برد، تێیدا 12 هەزار ماسكیان بەسەر هاووڵاتییان دابەش كرد.
ئەكرەم محەمەد، بەڕێوەبەری خۆپاراستنی تەندروستیی هەڵەبجە، بە (باسنیوز)ی ڕاگەیاند: ”ئەمڕۆ لە لایەن بەڕێوەبەرایەتیی خۆپاراستنی تەندروستیی هەڵەبجەوە لەناو بازاڕی هەڵەبجە هەڵمەتێكی دابەشكردنی ماسك به‌ڕێوه چوو، تێیدا زیاتر له 12 هەزار ماسكمان بەسەر هاووڵاتییان و هێزەكانی ناوخۆ دابەش كرد”.
بەڕێوەبەری خۆپاراستنی تەندروستیی هەڵەبجە گوتیشی: ”ئامانج لەم چالاكییە، پاراستنی تەندروستیی هاووڵاتییانە و پێویستە هاووڵاتییانیش خۆپارێزی بكەن”.
ماوەی دوو ڕۆژە شەپۆلێكی خۆڵبارین ئاسمانی بەشێك لە شارەكانی عێراق و هەرێمی كوردستانی گرتووەتەوە، لە پارێزگای هەڵەبجەش بەهۆی كاریگەریی ئەم خۆڵبارینەوه، 18 كەس سەردانی نەخۆشخانەیان كردووە.
1
2
3
4
5
6
7
8
