گه‌نجێكی كورد ئاڵای كوردستان لەسەر بڵندترین لوتكەشاخی جیهاندا هەڵدەكات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

گه‌نجێكی كورد ئاڵای كوردستان لەسەر بڵندترین لوتكەشاخی جیهاندا هەڵدەكات

گەنجێكی كوردی خەڵكی هەرێمی كوردستان، ئاڵای كوردستان لەسەر بڵندترین لوتكە شاخی جیهان هەڵدەكات، كە شاخی ئێڤرسته‌.

ڕه‌نج عومه‌ر، گه‌نجێكی خەڵكی پارێزگای دهۆكە، بەر لە دوو مانگ بەرەو چیای  ئێڤرست رۆیشتووە‌، بۆ ئەوەی ئەو ئاڵایەی كوردستان لەسەر لوتكەكەیدا هەڵبكات، كە سەرۆك بارزانی پێشكەشی كردبوو.

ڕێژین ئه‌حمه‌د، هاوژینی رەنج عومەر، بۆ (باسنیوز) گوتی: "زیاتر لە 20 رۆژە ئاگامان لە رەنج نەماوە و پەیوەندیی پێوە نەكردووین، زۆر هەوڵمان دا لە رێی گرووپە شاخەوانییەكان و كونسوڵەكانی وڵاتانی بیانی هەواڵی بزانین، تا دواجار توانیمان پەیوەندیی پێوە بكەین و پێی گوتم، مزگێنی بدەن كە من گەیشتوومەتە بڵندترین لووتكەشاخی جیهان، كە شاخی ئێڤرسته‌،بەڵام هێڵی ئینتەرنێت و پەیوەندیكردنی لێ نییە، بۆیە بێ هەواڵ بووم”.

هاوژینی ئەو گەنجە دهۆكییە گوتیشی: “رەنگە لە چەند رۆژی داهاتوودا رەنج لە شاخەكە بێتە خوار و بگەڕێتەوە بۆ هەرێمی كوردستان، دڵخۆشیشین كە رەنج وەك یەكەم گەنجی كورد لە هەرێمی كوردستان و عێراق توانیویەتی بگات بە لووتكەشاخی ئێڤرست و ئاڵای كوردستانی لەسەر هەڵبدات”.