‎ئەمڕۆ شاندێكی وەزارەتی پێشمەرگە دەچێتە ئەمریكا
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

‎ئەمڕۆ شاندێكی وەزارەتی پێشمەرگە دەچێتە ئەمریكا

‎بڕیارە ئەمڕۆ، شەممە ١٤ی ٥ی ٢٠٢٢، شاندێكی وەزارەتی پێشمەرگە و سوپای عێراق لەسەر بانگهێشتی فەرمیی فەرماندەی ناوەندیی ھێزەكانی ئەمریكا بچنە ویلایەتە یەكگرتووەكانی ئەمریکا .

‎عەمید عوسمان محەمەد، بەڕێوەبەری گشتیی ڕاگەیاندن و ھۆشیاریی نیشتمانیی وەزارەتی پێشمەرگە، بە (باسنیوز)ی ڕاگەیاند: ''لەسەر بانگهێشتی فەرمیی فەرماندەی ناوەندیی ھێزەكانی ئەمریكا، ئەمڕۆ شاندێكی شانەی ڕاگەیاندنی جەنگیی ھێزەكانی پێشمەرگە و سوپای عێراق دەچێتە ئەمریکا''.

‎گوتیشی: ''شاندەكە لە ژمارەیەك شانەی ڕاگەیاندنی جەنگی پێك ھاتووە و بڕیارە سەردانی فەرماندەی ناوەندیی ھێزەكانی ئەمریکا و چەند شوێنێكی دیكەش بکەن''.

‎عەمید عوسمان ئاشکرایشی کرد: ''چەند کۆبوونەوە و دیدارێکی تایبەتیان دەبێت سەبارەت بە کار و چالاکییەکانی میدیای سەربازی لە عێراق، هەروەها باشترکردنی هەماهەنگی و پەیوەندیی نێوان میدیای سوپای عێراق و هێزەکانی پێشمەرگە و هێزەکانی هاوپەیمانان، بەتایبەت ئەمریکا''.

باسی لەوەش کرد: ''شاندەکە سەردانی چەند ناوەندێکی باڵای سەربازیی ئەمریکا دەکەن بۆ گفتوگۆ و ڕاگۆڕینەوە لەگەڵ ئەفسەرانی ئەو وڵاتەدا''.