لە خورماتوو عەرەبی هاوردە هەڵیانكوتایە سەر گوندێكی كوردنشین
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە خورماتوو عەرەبی هاوردە هەڵیانكوتایە سەر گوندێكی كوردنشین

ئێوارەی ئەمڕۆ هەینی چەند عەرەبێكی هاوردە هەڵیانكوتایە سەر گوندێكی كوردنشینی سەر بە قەزای خورماتوو بەمەبەستی داگیركردنی زەویوزاری جوتیارانی كورد و دەمەقاڵێ لە نێوان خاوەنی زەوییەكان و عەرەبە هاوردەكان دروست بوو.

ئەمڕۆ هەینی ژمارەیەك لە عەرەبە هاوردەكانی دانیشتووی گوندی حلێوەی ڕۆژئاوای خورماتوو هەڵدەكەوتنە سەر گوندی تەپەسەوزی كوردنشینی سەر بە خورماتوو بەمەبەستی داگیركردنی زەویوزاری جوتیارانی گوندەكە، بەڵام دانیشتوانی گوندەكە ڕووبەڕووی ئەو عەرەبە هاوردانە بوونەوە و بۆ ئێستا ئەو هەوڵەی داگیركردنی زەویوزارەكانیان پوچەڵ كردەوە.

چەند جارێكە ئەو عەرەبە هاوردانە هەوڵیان داوە ئەو زەویانە داگیر بكەن و ئەمڕۆش بە كرداری چوونەتە ناو گوندەكەوە بۆ ئەوەی زەویەكان داگیر بكەن و بمێننەوە، بەڵام ئێستا گوندەكەیان چۆڵ كردووە و مەترسی هەیە جارێكی تر هەڵبكوتنەوە سەر گوندەكە بەمەبەستی داگیركردنی زەویوزاری جوتیارانی گوندەكە.