وەزارەتی دارایی روونکردنەوەیەک ئاراستەی گەنجینەکان دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

وەزارەتی دارایی روونکردنەوەیەک ئاراستەی گەنجینەکان دەکات

 

وەزارەتی دارایی و ئابووریی حکوومەتی هەرێمی کوردستان لەبارەی نوێکردنەوە و بەکرێگرتنی باڵەخانە و خانوو بۆ فەرمانگەکان روونکردنەوەیەک ئاراستەی گەنجینەکان دەکات.

لە روونکردنەوەکەی وەزارەتی دارایی کە کۆپییەکی بە (باسنیوز) گەیشتووە و ئاماژە بەوەدراوە: "سەبارەت بە بەکرێگرتن و نوێکردنەوە و باڵەخانە و خانووانەی کە لە ساڵی 2021 بە هەڵپەسێردراوی (معلق) ماونەتەوە پێویستە وەزارەتەکان و فەرمانگەکانی نەبەستراو بە وەزارەتەکان لە رێگەی لێژنەیەکی تایبەتی خۆیانەوە بە ئامادەبوونی نوێنەرەکانمان لە بەرێوەبەرایەتی گەنجینەکان خەمڵاندنی بۆ بکرێت و هەڵبسەنگێنرێت".

ئەوەش خراوەتە روو: "دوای خەمڵاندن و هەڵسەنگاندن پێویستە پاشان بەشێوەی کۆنووس ئاراستەی وەزارەتمان بە ڕێوەبەرایەتی گشتی ژمێرکاری بکرێت، بۆ ئەوەی دووبارە لەلایەن لێژنەی بەکرێ گرتنی باڵەخانە و خانوو کە بۆ ساڵی 2022 پێکهێنراوە دیراسە بکرێتەوە و هەڵی بسەنگێنن وکاریان لەسەر بکەن لە چوارچێوەی یاسا و رێنوێنییە کارپێکراوەکان و دواتر بۆیان خەرج دەکرێت لە رێگەی سیستەمی ئۆنڵاین (KFMS)".