لە هەڵەبجە حەفتەبازاڕێكی كشتوكاڵی كرایەوە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە هەڵەبجە حەفتەبازاڕێكی كشتوكاڵی كرایەوە

ئەمڕۆ، پێنجشەممە (١٢/٥/٢٠٢٢)، كێڵگەی كوردستان لە پارێزگای هەڵەبجە پێشانگەیەكی هەفتانەی بۆ بەرهەمە كشتوكاڵییەكانی كردەوە.

حامید ئیسماعیل، بەڕێوەبەری كێڵگەی كوردستان بۆ بەروبوومی نموونەیی كشتووكاڵی لە كوردستان، بە (باسنیوز)ی ڕاگەیاند: ”ئەمڕۆ دەستمان کرد بە كردنەوەی هەفتەبازاڕێكی كشتوكاڵی و ئامانج لێی ئەوەیە كە هاووڵاتییان بەروبوومە كشتوکاڵییەكانیان دەست بكەوێت بە نرخی عەلوە، ئەمەش بۆ ئێمە و بۆ كڕیارانیش باشە''.

ڕوونیشی كردەوە: ”ئەمە وەرزی دووەمی كردنەوەی هەفتەبازاڕەكەیە و لە كێڵگەكەماندا نزیكەی (٩٠) جۆر بەروبوومی خۆماڵی هەیە و هاووڵاتییان دەتوانن هەر بەرهەمێك لە كاتی خۆیدا بەدەست بهێنن”.

گوتیشی: ”لەم هەفتەبازڕەدا جگە لە نمایشكردنی بەروبوومی كێڵگەكەی خۆمان، چەندەها كەسیش هاتوون و بەرهەم و كارە دەستییەكانی خۆیانیان لە هەفتەبازڕەكەدا نمایش كردووە، كە هەفتەبازاڕەكە ڕۆژانی پێنجشەممە و هەینی بەردەوام دەبێت''.