کیم جۆنگ ئون هەڕەشەی بەکارهێنانی چەکی ناوکی دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

کیم جۆنگ ئون هەڕەشەی بەکارهێنانی چەکی ناوکی دەکات

سەرۆکی کۆریای باکوور هەڕەشەی بەکارهێنانی چەکی ناوکی لە دژی ”هێزە نەیارەکان“ دەکات.

بەپێی هەواڵێکی (France 24)، کیم جۆنگ ئون، سەرۆکی کۆریای باکوور رایگەیاندووە: بۆ پێشخستنی تەواو، پێویستە هێزە چەکدارەکانی کۆریای باکوور توانای بەرەنگاربوونەوەی هەر هەوڵێکی مەترسیدار و هەڕەشەی هەبێت.

کیم جۆنگ ئون جەختی لە بەکارهێنانی چەکی ناوکی پێش روودانی هەر هێرشێک و ”لە کاتی پێویستدا“ بۆ سەر کۆریای باکوور، دژی ”هێزە نەیارەکان“ کردووە.

سەرۆکی کۆریای باکوور هەروەها رایگەیاندووە: ”پێویستە“ وڵاتەکەی بەردەوام بێت لە پەرەپێدانی تواناکانی تاوەکوو هێزێکی سەربازیی تۆکمەی هەبێت بۆ ئەوەی ”هیچ هێزێک لە جیهان“ نەتوانێت ئیستیفزازی بکات.

پێشتریش لە رۆژی 25-4-2022، کیم جۆنگ ئون لە کاتی نمایشێکی سەربازی بەبۆنەی رۆژی سوپای کۆریای باکوور، رایگەیاندبوو: وڵاتەکەی ”رەنگە“ پەنا بۆ بەکارهێنانی چەکی ناوکی ببات ”ئەگەر هەڕەشە بۆ سەر بەرژەوەندییە بنەڕەتییەکانمان دروست بوو“.