ئەردۆغان سەردانی سعودیە دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ئەردۆغان سەردانی سعودیە دەکات

سەرکۆماری تورکیا سەردانی شانشینی عەرەبستانی سعودیە دەکات و لەگەڵ گەورە بەرپرسانی ئەو وڵاتە کۆ دەبێتەوە.

بەپێی راگەیەندراوێکی سەرۆکایەتیی کۆماری تورکیا، ئەمڕۆ پێنجشەممە 28-4-2022، رەجەب تەییب ئەردۆغان، سەرکۆماری تورکیا سەردانی سعودیە دەکات.

بڕیارە رەجەب تەییب ئەردۆغان لەو سەردانەیدا کە دوو رۆژ دەخایەنێت، لەگەڵ سەلمان بن عەبدولعەزیز، شای سعودیە و بەرپرسانی باڵای ئەو وڵاتە کۆ ببێتەوە.

بەپێی زانیارییەکان، تەوەری کۆبوونەوەکانی ئەردۆغان و بەرپرسانی سعودیە، پەیوەندییە سیاسییەکان و پەرەپێدانی بازرگانیی نێوان هەردوو وڵات دەبێت.

بەهۆی کوژرانی جەمال خاشقچی، نووسەری سعودی لە کونسوڵخانەی وڵاتەکەی لە ئیستەنبوڵ و رەوتی ئیخوان موسلیمینی جیهان کە حزبەکەی ئەردۆغان خۆی وەک رێبەری ئەو رەوتە دەناسێنێت و رەوتەکەش لە سعودیە وەک رێکخراوێکی تیرۆریستی ناسێندراوە، پەیوەندییەکانی ئەنقەرە و ریاز گەیشبوونە بارودۆخێکی خراپ.