ساڵی رابردوو جیهان دوو تریلیۆن دۆلاری لە بواری سەربازیدا خەرج كردووە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

ساڵی رابردوو جیهان دوو تریلیۆن دۆلاری لە بواری سەربازیدا خەرج كردووە

بەپێی توێژینەوەیەكی پەیمانگایەكی جیهانی، خەرجكردنی بواری سەربازی لە جیهاندا بۆ یەكەم جارە بۆ سەرووی دوو تریلیۆن دۆلار لە ماوەی ساڵیكدا بەرز دەبێتەوە.

پەیمانگای نێودەوڵەتیی ستۆكهۆڵم بۆ توێژینەوەی ئاشتی (Sypri)، راپۆرتێكی بڵاو كردووەتەوە، ئاماژەی بەوە داوە كە وڵاتانی جیهان كۆی گشتی 2,113 ملیار دۆلاریان لە ساڵی 2021دا لە كەرتی سەربازی و كڕینی چەكدا خەرج كردووە.

ئەم دامەزراوەیە پێی وایە لە داهاتوودا خەرجیە سەربازییەكان بەرەو زیادبوون دەچێت، چونكە دوای هەڵگیرسانی شەڕی نێوان ڕووسیا و ئۆكراینا، وڵاتانی ئەورووپاش پەرە بە هێزی سەربازی خۆیان دەدەن.

ئەمریكا لە ساڵی 2021دا بە گەورەترین وڵات دەمێنێتەوە لە ڕووی خەرجكردنی سەربازی، كە 801 ملیار دۆلاری لە كەرتی سەربازیدا خەرج كردووە، ئەمەش دەكاتە 39%ی كۆی خەرجی سەربازیی جیهان.