پارێزگای هەولێر ئامادەکاری بۆ جەژنی رەمەزان دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

پارێزگای هەولێر ئامادەکاری بۆ جەژنی رەمەزان دەکات

پارێزگاری هەولێر کۆبوونەوەیەک ساز دەکات و تێیدا ئامادەکارییەکان بۆ جەژنی رەمەزان، تاوتوێ دەکرێن.

ئەمڕۆ چوارشەممە 27-4-2022، ئومێد خۆشناو، پارێزگاری هەولێر لە چوارچێوەی ئامادەکارییەکان بۆ جەژنیرەمەزان، لەگەڵ قایمقامەکان، بەڕێوەبەرانی گشتیی شارەوانی، کشتوکاڵ، سەرۆکی شارەوانی، بەڕێوەبەری ڤیتێرنەری و سامانی ئاژەڵی ئەنجام داوە.

لە کۆبوونەوەکەدا جەخت لەوە کراوەتەوە کە ”بەهیچ شێوەیەک نابێت چاوپۆشی لەهیچ کەس و لایەنێک بکرێ سەرپێچی و زێدەڕۆیی بکاتە سەر موڵکی گشتی، بەتایبەتى لەڕۆژانى جەژن و پشووەکان کە کەسانێک دەیانەوێت ئەو دەرفەتە بقۆزنەوە بۆ ئەنجامدانى سەرپێچى و زێدەڕۆیى“.

لەبارەی رۆتین و بەڕێکردنی کاروباری هاووڵاتیان، ئومید خۆشناو بە پێویستی زانیوە هەموو لایەک بەیەکسانى و بەو پەڕى ڕێزەوە لە ڕایکردنى مامەڵە و کاروبارى هاوڵاتییاندا ئاسانکاری بکەن، ”دەبێت لەئاست ئەو بەرپرسیاریەتییەدابن و هەرچی لەتواناتاندا هەیە ئەنجامی بدەن بۆ ڕێزگرتن لە هاوڵاتییان و ڕایککردنى مامەڵەکانیان و کەمکردنەوەى ڕۆتین لەفەرمانگە و بەڕێوەبەرایەتیەکانتان“.

هەر لە کۆبوونەوەکەدا، پارێزگاری هەولێر و بەرپرسە ئیداییەکانی هەولێر گفتوگۆیان لەبارەی دەست پێکردنەوەی جێبەجێکردنی پرۆژە خزمەتگوزارییەکان کردووە و و ئومێد خۆشناو رایگەیاندووە: لە کۆبوونەوەکەدا ”تەئکیدمان لەوەکردەوە کە دەبێت لەئایندەیەکی نزیکدا، لە سەرجەم گوند و ناحییە و قەزاکانی سنووری پارێزگاکەمان بەبێ جیاوازی لەسەر ئاستی هەموو سێکتەرەکان دەست بەجێبەجێکردنی پڕۆژەکان بکرێتەوە“.

پارێزگاری هەولێر بۆ بەهێکردنی جووڵەی بازاڕ و دۆزینەوەی رێگەچارەی گونجاو بۆ کێشەکان ”هه‌موو پاڵپشتی و هاوکارى و هەماهەنگییه‌ک“ى پارێزگاى هه‌ولێری بۆ قائیمقام و بەڕێوەبەرانی گشتیى فەرمانگە و دامودەزگاکانی حکومەت لەسنوورى پارێزگاى هەولێر، نیشان داوه‌.

لە کۆبوونەوەکەدا، پارێزگاری هەولێر و بەرپرسە ئیدارییەکان تاوتوێی مەترسییەکانی نەخۆشیی تای خوێنبەربوونیان کردووە کە لە چەند ناوچەیەکی عێراق سەری هەڵداوە و بۆ رێگرتن لە بڵاوبوونەوەشی لە هەولێر و هەرێمی کوردستان،  بڕیاریان داوە ”چەند ڕێنماییەکى پێویست“ بۆ خۆپارێزى و بەرچاوروونی هاوڵاتییان، لەلایەن پارێزگاى هەولێر بڵاو بکرێتەوە و سەربڕینی ئاژەڵ لەسەر شەقامەکان قەدەغە بکرێت و سەرپێچیکار بەپێی یاسا سزا بدرێت.