وەزیری دەرەوەی رووسیا باسی هەڵگیرسانی جەنگی جیهانیی سێیەم دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

وەزیری دەرەوەی رووسیا باسی هەڵگیرسانی جەنگی جیهانیی سێیەم دەکات

وەزیری دەرەوەی رووسیا لە لێدوانێکدا بۆ رۆژنامەنووسان، باسی هەڵگیرسانی جەنگی جیهانیی سێیەم دەکات.

سێرگی لاڤرۆڤ، وەزیری دەرەوەی رووسیا لە چاوپێکەوتنێکدا لەگەڵ ژماره‌یه‌ك ئاژانس و ده‌زگای راگه‌یاندنی وڵاتەکەی، رایگەیاندووە: گفتوگۆکانی رووسیا لەگەڵ ئۆکرانیا بەردەوام دەبن.

سێرگی لاڤرۆڤ رەخنەی لە مامەڵەی بەرپرسانی ئۆکراینا لەگەڵ دانوستاندنەکان گرتووە و رایگەیاندووە: ئەگەر دانوستاندنەکان بەمشێوەیە بەردەوام بن، هیچ لە بەرژەوەندیی پرۆسەکەدا نابێت و ”مەترسیی جددی هەن بۆ هەڵگیرسانی جەنگی جیهانیی سێیەم“.

پێشتر وەزیری دەرەوەی رووسیا دوای هێرشی سوپای وڵاتەکەی بۆ سەر ئۆکراینا، هۆشداریی دابوو لە گەورەبوونی شەڕەکە و بوون بە جەنگێکی جیهانی کە تێیدا شەڕ بە چەکی ناوکی دەکرێت.

شەڕی رووسیا و ئۆکراینا لە رۆژی 24-2-2022 دوای بڕیاری ڤلادیمێر پوتین، سەرۆکی رووسیا بە هێرشکردنە سەر ئۆکراینا دەستی پێکردووە و تاوەکوو ئێستاش بەردەوامە.