فینلاند و سوید هەنگاوە مەترسیدارەكەیان نا و دۆخەكە ئاڵۆزتر دەبێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

فینلاند و سوید هەنگاوە مەترسیدارەكەیان نا و دۆخەكە ئاڵۆزتر دەبێت

ئەمڕۆ دووشەممە میدیاكانی فینلاند و سوید ئاشكرایان كرد هەردوو حكوومەتی هێلسینكی و ستۆكهۆڵم هەنگاوی یەكەمیان بەرەو ئەندامبوون لە هاوپەیمانیی ناتۆ نا و چاوەڕوان دەكرێت پەیوەندییەكانی رووسیا و وڵاتانی رۆژئاوا بەرەو ئاڵۆزی زیاتر بچێت.

هەردوو رۆژنامەی "ئیلتالێهی"ی فینلەندی و "ئێكسپرێسن"ی سویدی لە زاری سەرچاوەی باوەڕپێكراویان گواستووەتەوە كە هەردوو وڵاتەكە بڕیاریان داوە لە مانگی داهاتوودا داوای ئەندامبوون پێشكەشی هاوپەیمانیی ناتۆ بكەن.

بەپێی هەردوو رۆژنامە ئەسكەندەناڤییەكە، هەردوو وڵاتی دراوسێی رووسیا بڕیاری خۆیان داوە بۆ چوونە ناو هاوپەیمانیی ناتۆ، ئەمەش راستەوخۆ دوابەدوای دەستپێكردنی شەڕی رووسیا بەرانبەر ئۆكراینا دێت و هەردوو وڵاتە ئەسكەندەناڤیەكە دەیانەوێت لەم ڕێگەیەوە خۆیان لە ئەگەری هێرشێكی هاوشێوەی رووسیا بۆ سەر ئۆكراینا بپارێزن.

بەڵام چاوەڕوان دەكرێت ئەم هەنگاوە تووڕەبوونی مۆسكۆی لێ بكەوێتەوە، بەتایبەتییش كە بەم دواییە حكوومەتی رووسیا راستەوخۆ رای گەیاندبوو ئەگەر هیچ یەك لە فینلاند یان سوید هەوڵی چوونە ڕیزی هاوپەیمانی ناتۆ بدەن، ئەوا رووسیا هەڵوێستی توندی دەبێت.