سوپای ئۆكراینا شارێكی رووسیای بۆردوومان كرد
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

سوپای ئۆكراینا شارێكی رووسیای بۆردوومان كرد

ئەمڕۆ یەكشەممە بەرپرسێكی سەربازیی رووسیا ئاشكرای كرد شاری بیلجورودی باشووری مۆسكۆی پایتەخت لەلایەن هێزەكانی سوپای ئۆكرایناوە بۆردوومان كراوە.

شاری بیلجورود هاوسنووری ئۆكراینایە و كەوتووەتە بەرانبەر شاری خاركێڤی رۆژهەڵاتی ئۆكراینا، ئەمڕۆ لەناو خاكی ئۆكرایناوە بۆردوومان كرا.

لە بەرانبەریشدا وەزارەتی بەرگریی رووسیا رای گەیاند نۆ ئامانجیان لەناو سوپای ئۆكراینا بۆردوومان كردووە، كە هەندێكیان كۆگای چەك بوون لە خاركێڤی رۆژهەڵاتی كیێڤی پایتەخت.

دوێنێ شەممە سوپای رووسیا رای گەیاندبوو كە كۆگایەكی گەورەی سوپای ئۆكراینایان لە نزیك شاری ئۆدێسا كردووەتە ئامانج، كە ئەو چەكانەی تێدا بوو كە لەلایەن ئەمریكا و وڵاتانی یەكێتیی ئەورووپاوە پێشكەشی ئۆكراینا كرابوون.

جێی باسە بۆ سێیەم مانگ دەچێت شەڕی رووسیا بۆ سەر ئۆكراینا بەناونیشانی "پاراستنی هەرێمی دۆنباس" بەردەوامە.