هێزە ئەمنییەکانی ئیسرائیل کوژرانی هێرشبەرەکەی تەل ئەڤیڤ رادەگەیەنن.
شەوی پێنجشەممە 7-4-2022، چەکدارێک لە شاری تەلئەڤیڤی پایتەختی ئیسرائیل دەستڕێژی گوللەی لە هاووڵاتیان کرد و بەهۆیەو دوو کەس گیانیان لەدەست دا و ژمارەیەکی دیکەش بریندار بوون.
ئەمڕۆ هەینی 8-4-2022، هێزە ئەمنییەکانی ئیسرائیل کوژرانی هێرشبەرەکەیان راگەیاندووە، ”لە نزیک مزگەوتی یافا لە تەل ئەڤیڤ دۆزرایەوە و کوژرا“.
بەپێی زانیارییە میدیاییەکان، هێرشبەرەکە کەسێکی فەلەستینی بووە و خەڵکی کەرتی رۆژئاوا بوو لە فەلەستین.
پێشتریش لە شەوی سێشەممە 29-3-2022، چەکدارێک لەناو شەقامەکانی شارۆچکەی بەنی بوراک لە نزیک تەل ئەڤیڤ بە هەڕەمەکی تەقەی لە هاووڵاتیان کرد و بەهۆیەوە پێنج کەس گیانیان لەدەست دا.