لە كەركووک زیاتر لە 500 ناوچەی شوێنەواری هەیە و زۆربەیان مەترسیی لەناوچوونیان لەسەرە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

لە كەركووک زیاتر لە 500 ناوچەی شوێنەواری هەیە و زۆربەیان مەترسیی لەناوچوونیان لەسەرە

لە پارێزگای كەركووك زیاتر لە 500 ناوچەی شوێنەواری هەیە كە بەشی زۆریان فەرامۆش كراون و مەترسیی لەناوچونیان لەسەرە.

لەم بارەوە، ئەمڕۆ شەممە 2/4/2022 ڕائید عوگلە محەمەد، بەڕێوەبەری شوێنەواری كەركووك، بە (باسنیوز)ی ڕاگەیاند، زیاتر لە 500 ناوچەی شوێنەواری لە پارێزگای كەركووك هەیە كە بەشی زۆریان هەڕەشەی لەناوچونیان لەسەر هەیە.

لە بارەی ئەوە کە بۆچی ی ناوچە شوێنەوارییەكانی كەركووك فەرامۆش كراون و نۆژەن ناكرێنەوە؟ بەڕێوەبەری شوێنەواری كەركووك گوتی: لە كەركووك و لە پارێزگاكانی تری عێراقیش ناوچە شوێنەوارییەكان فەرامۆش كراون و لەلایەن حكوومەتەوە پاڵپشتی نییە بۆ نۆژەنكردنەوەی ئەو ناوچە شوێنەوارییانە''.

بەڕێوەبەری شوێنەواری كەركووك دەربارەی ئەوەی کە ئێستا دیارترین ناوچەی شوێنەواریی كەركووك، قەڵا و قشڵەی كەركووكە، بۆچی نۆژەن ناكرێتەوە؟ گوتی: ''كارمان كردووە بۆ نۆژەنكردنەوەی قەڵا و قشڵەی كەركووك و ئەنجامی كارەكانمان لە ڕۆژانی داهاتوودا بەدەر دەكەوێت و كار دەكرێت بۆ ئەوەی قەڵا و قشڵەی كەركووك لەسەر بودجەی پارێزگای كەركووك و وەزارەتی ڕۆشنبیری و گەشتوگوزاری و شوێنەواری عێراق بۆ دابین بكرێت، بۆ ئەوەی نۆژەن بكرێنەوە و هەروەها ئەو شوێنانەی قەڵا و قشڵە كە پێویستیان بە چاككردنەوە هەبێت، چاك بكرێنەوە و ئێستا چاوەڕێی خەرجكردنی پارەین بۆ ئەو كارە''.