پۆڵەندا دوو هاووڵاتیی عێراقیی هەڵاتوو لە شەڕی ئۆکراینا دەستگیر دەکات
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

پۆڵەندا دوو هاووڵاتیی عێراقیی هەڵاتوو لە شەڕی ئۆکراینا دەستگیر دەکات

پاسەوانی سنووری پۆڵەندا دوو هاووڵاتیی عێراقیی هەڵاتوو لە شەڕی ئۆکراینا، دەستگیر دەکات.

بەهۆی دروستبوونی شەڕ لە نێوان رووسیا و ئۆکراینا، دەیان هەزار هاووڵاتیی ئۆکراینی و کۆچبەر و قوتابیانی وڵاتانی دیکە لەو وڵاتە پەنایان بۆ وڵاتانی رۆژهەڵاتی ئەوروپا بردووە.

بەپی زانیارییەکان، دەسەڵاتدارانی پۆڵەندا بڕیاریان داوە تەنیا رێگا بە پەڕینەوەی هاووڵاتیانی ئۆکراینا بدات و کۆچبەر و قوتابیانی وڵاتانی دیکە رەوانەی ئۆکراینا دەکاتەوە.

ماڵپەڕی (شەفەق نیوز) بڵاوی کردووەتەوە، پاسەوانی سنوورەکانی پۆڵەندا دوو هاووڵاتیی کۆچبەری عێراقی کە لە ترسی شەڕ پەڕیونەتەوە پۆڵەندا، دەستگیر کردووە و رەوانەی ئۆکراینایان دەکاتەوە.

بەرەبەیانی رۆژی پێنجشەممە 24-2-2022، ڤلادیمێر پوتین، سەرۆکی رووسیا بڕیاری دەست پێکردنی ئۆپەراسیۆنی سوپای وڵاتەکەی لە دژی ئۆکراینا دا و شەڕ دەستی پێکرد و تاوەکو ئەمڕۆ شەممەش بەردەوامە.