کوتلەیەکی پەرلەمانی عێراق دووبارە هەڵبژاردنەوەی سەرکۆماری عێراق رەت دەکاتەوە.
ئەمڕۆ دووشەممە 24-1-2022، هادی سەلامی، ئەندامی گردبوونەوەی پەرلەمانتارە سەربەخۆکان لە پەرلەمانی عێراق بە میدیاکانی وڵاتەکەی راگەیاندووە: ئەون پێدانەوەی پۆستی سەرکۆمار و سەرۆکایەتیی حکوومەت بە بەرهەم ساڵح و مستەفا کازمی، رەت دەکەنەوە.
هادی سەلامی هەروەها رایگەیاندووە: گردبوونەوەکەیان لە 10ئەندامی پەرلەمان پێک دێت و دەبنە ئۆپۆزیسیۆن.
ئەو ئەندامە سەربەخۆیەی پەرلەمانی عێراق ئاماژەی بەوەش کردووە، بەشداریی کۆبوونەوەی پەرلەمان بۆ هەڵبژاردنی سەرکۆمار و دیاریکردنی سەرۆک وەزیران دەکەن، بەڵام دەنگ بە پێدانەوەی پۆستەکان بە بەرهەم ساڵح و مستەفا کازمی نادەن.