روونكردنەوە لەبارەی پشووەكەی ڕۆژی پێنجشەممەی داهاتوو دەدرێت
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

روونكردنەوە لەبارەی پشووەكەی ڕۆژی پێنجشەممەی داهاتوو دەدرێت

ڕۆژێكى کۆتایی ئه‌م هه‌فته‌یه‌، لە گشت دامودەزگا حكوومییەكانی عێراق پشووی فەرمییە، بەڵام پشووەکە هەرێمی کوردستان ناگرێتەوە.

بەپێی خشتەی پشووەكانی حكوومەتی عێراق، ڕۆژی پێنجشەممەی داهاتوو 6/1/2022، بە بۆنەی ساڵیادی دامەزراندنی سوپای عێراقەوە، لە دامودەزگاکانی حکوومەتی عێراق پشووی فەرمییە.

بەپێی بەدواداچوونی (باسنیوز) لە ڕۆژژمێری حکوومەتی هەرێمی کوردستان ئەو ڕۆژە وەکوو پشوو دیاری نەکراوە.

سەرچاوەیەکی ئاگادار لە ئەنجوومەنی وەزیرانی کوردستان بە (باسنیوز)ی ڕاگەیاند: "بۆ پشووەکانی هەرێمی کوردستان حکوومەت بەپێی ڕۆژژمێری خۆی مامەڵە دەکات و ڕۆژی شەشی کانوون لە هەرێمی کوردستان پشوو نییە و دەوامی فەرمیی هەیە".

سەرچاوەکە جەختی کردەوە هیچ ڕاگەیاندراێکی فەرمیی لەسەر ئەو بابەتە بڵاو ناکرێتەوە و دەوام ئاسایی دەبێت.