دوایین زانیاری لەبارەی تێکشکانی بەلەمەکەی کۆچبەران لە دەریای ئیجە
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

دوایین زانیاری لەبارەی تێکشکانی بەلەمەکەی کۆچبەران لە دەریای ئیجە

رۆژنامەنووسێکی کورد لە یۆنان دوایین زانیاری لەبارەی بەلەمە تێکشکاوەکەی دەریای ئیجە (دەریای نێیوان تورکیا و یۆنان)، بڵاو دەکاتەوە.

پشتیوان جاف، رۆژنامەنووسی کورد لە یۆنان لە هەژماری تایبەتیی خۆی لە تۆڕی کۆمەڵایەتیی (فەیسبووک)، رایگەیاندووە: بەلەمەکە لە دەریای ئیجە لە نزیک دوورگەی (Folegandros) تێک شکاوە و تەنیا 12 کۆچبەر رزگار کراون.

هەروەک ئەو رۆژنامەنووسە بڵاوی کردووەتەوە، بەشێک لەو کۆچبەرانەی رزگار کراون بە پۆلیسیان گوتووە 35 کەس بوون و بەشێکیشیان گوتویانە 50 کەس بوون.

پشتیوان جاف ئاماژەی بەوەش کردووە، بەلەمەکە بەهۆی لەکار کەوتنی ماۆڕەکەی ژێر ئاو کەوتووە و تا ئێستاش تەنیا یەک تەرم دۆزراوەتەوە.

کۆچبەرە رزگارکراوەکان حەوت کەسیان خەڵکی هەرێمی کوردستانن (پێج پیاو، ژنێک و منداڵێک) و سێ کەسیان خەڵکی سووریان و دوو کەسیشیان میسرین.