بەرپرسێکی یۆنانی: 12 کۆچبەر لە دەریای ئیجە رزگار کران
كوردی عربي فارسى
Kurdî Türkçe English

هه‌واڵ وتــار ڕاپۆرت چاوپێكه‌وتن ئابووری مه‌ڵتیمیدیا لایف ستایل كولتوور و هونه‌ر
x

بەرپرسێکی یۆنانی: 12 کۆچبەر لە دەریای ئیجە رزگار کران

ئەمشەو هێزە دەریاییەکانی یۆنان 12 کۆچبەریان لە دەریای ئیجە (ئاوی نێوان یۆنان و تورکیا)، رزگار کرد.

پشتیوان جاف، رۆژنامەنووسی کورد لە یۆنان لە هەژماری تایبەتیی خۆی لە تۆڕی کۆمەڵایەتیی (فەیسبووک)، لە زاری بەرپرسێکی هێزی دەریایی یۆنانی بڵاوی کردووەتەوە، شەوی سێشەممە 21-12-2021، نزیکەی 35 کۆچبەر کە کوردن، لەناو بەلەمێکدا بوون لە تورکیاوە بەرەو یۆنان.

ئەو بەرپرسە یۆنانییە رایگەیاندووە: هێزەکانیان توانیویانە 12 کۆچبەر لە خنکان رزگار بکەن، کە 10 پیاو، ژنێک و منداڵێک بوون.

بەرپرسە یۆنانییەکە رەتی کردووەتەوە هیچ کۆچبەرێک خنکابێت و رایگەیاندووە: هێزەکانیان باسی ژێر ئاوکەوتنی هیچ بەلەمێکیان نەکردووە.